Argus News - ଆକାଶରେ ଫେଲ୍ ହୋଇଗଲା ବିମାନର ଇଞ୍ଜିନ୍, ବିଲରେ ଖସିପଡ଼ିଲା

ବେଙ୍ଗାଳୁରୁ: ରବିବାର ଏକ ଘରୋଇ ବିମାନ ଦୁର୍ଘଟଣାଗ୍ରସ୍ତ ହୋଇଛି । କର୍ଣ୍ଣାଟକର ବିଜୟପୁରା ଜିଲ୍ଲାରେ ଘଟିଛି ଏହି ଦୁର୍ଘଟଣା । ରେଡ୍ ବାର୍ଡ ଆଭିଏସନ୍ ନାମକ ଏକ ଘରୋଇ କମ୍ପାନୀର ବିମାନ ବିଲରେ ଖସି ପଡ଼ିଛି । ପ୍ରଶିକ୍ଷଣ ଉଡ଼ାଣ ବେଳେ ଏହି ଅଘଟଣ ଘଟିଛି ।

ରେଡ୍ ବାର୍ଡ ଆଭିଏସନ୍‌ର ଟ୍ରେନିଂ ବିମାନଟି ମାଙ୍ଗାଲୁରୁ ଗାଁ ନିକଟ ଧାନ ବିଲରେ ଖସି ପଡ଼ିଛି । ଏହି ଲାଇଟ୍ ବିମାନଟି ପାଇଲଟ୍ ଟ୍ରେନିଂ ଉଦ୍ଦେଶ୍ୟରେ ଉଡ଼ାଣ ଭରିଥିଲା ଏବଂ କଲବୁର୍ଗିରୁ ବେଲଗାବି ଯାଉଥିଲା ବୋଲି ସୂଚନା ମିଳିଛି ।

ଏଥିସହ ପଢ଼ନ୍ତୁ: ମୋହନ ଭାଗବତଙ୍କ ଏକତା ଡାକରା; 'ଏବେ ବି ବାଂଲାଦେଶରେ ଅଛନ୍ତି ୧.୨୫ କୋଟି ହିନ୍ଦୁ'

ପ୍ରାଥମିକ ସୂଚନା ଅନୁସାରେ, ବିମାନଟି ଉଡ଼ୁଥିବା ସମୟରେ ହଠାତ୍ ଇଞ୍ଜିନ୍ ଫେଲ୍ ହୋଇ ଯାଇଥିଲା । ଯାହାପରେ ପାଇଲଟ୍ ବିମାନ ଉପରୁ ନିୟନ୍ତ୍ରଣ ହରାଇଥିଲା । ବିମାନଟି ସିଧା ଯାଇ ଧାନ କ୍ଷେତରେ ପଡ଼ିଥିଲା ।

ଦୁର୍ଘଟଣାଗ୍ରସ୍ତ ବିମାନରେ ୨ ଜଣ ଥିଲେ । ବିମାନରେ କ୍ୟାପଟେନଙ୍କ ସହ ଜଣେ ଟ୍ରେନି ପାଇଲଟ୍ ଥିଲେ । ବିମାନ ଦୁର୍ଘଟଣା ପରେ ସ୍ଥାନୀୟ ଲୋକଙ୍କ ଠାରୁ ଖବର ପାଇ ପୋଲିସ ଓ ପ୍ରଶାସନ ପହଞ୍ଚିଥିଲେ । ପାଇଲଟ୍ ଓ ଟ୍ରେନି ପାଇଲଟଙ୍କୁ ଆହତ ଅବସ୍ଥାରେ ଉଦ୍ଧାର କରାଯାଇ ମେଡିକାଲ୍ ପଠାଯାଇଛି ।

ପୋଲିସ ଅଧିକାରୀ ଅନୁସାରେ, ବିମାନରେ ଥିବା ପାଇଲଟ୍ ଓ ଟ୍ରେନି ପାଇଲଟ୍ ଗୁରୁତର ଆହତ ହୋଇଛନ୍ତି । ଉଭୟଙ୍କୁ ମେଡିକାଲ୍‌ରେ ଭର୍ତ୍ତି କରାଯାଇଥିବା ବେଳେ ସେମାନଙ୍କ ସ୍ଵାସ୍ଥ୍ୟାବସ୍ଥା ଉପରେ ନଜର ରଖାଯାଇଛି ।

ଏଥିସହ ପଢ଼ନ୍ତୁ: ଆକାଶରେ ଫେଲ୍ ହୋଇଗଲା ସେନା ବିମାନର ଇଞ୍ଜିନ୍; ପ୍ରୟାଗରାଜର ପୋଖରୀରେ ଖସିପଡ଼ିଲା

ଦୁର୍ଘଟଣାଗ୍ରସ୍ତ ବିମାନଟି ରେଡ୍ ବାର୍ଡ ଆଭିଏସନ୍‌ କମ୍ପାନୀର, ଯାହାକୁ ପ୍ରଶିକ୍ଷଣ ପାଇଁ ବ୍ୟବହାର କରାଯାଉଥିଲା । ପ୍ରାଥମିକ ତଦନ୍ତ ଅନୁସାରେ, ବିମାନରେ ଯାନ୍ତ୍ରିକ ତ୍ରୁଟି ପରେ ତାହା ବିଲାକୁ ଖସି ପଡ଼ିଛି । ବିମାନ କେଉଁ ସ୍ଥିତିରେ ଖସି ପଡ଼ିଲା ତାହା ବିସ୍ତୃତ ଯାଞ୍ଚ ପରେ ସ୍ପଷ୍ଟ ହେବ ।

କିଛିଦିନ ତଳେ ବାୟୁ ସେନାର ବିମାନ କ୍ରାସ୍ ହୋଇଥିଲା । ଟ୍ରେନିଂ ବେଳେ ପୋଖରୀରେ ଖସିପଡ଼ିଲା ଏୟାରକ୍ରାଫ୍ଟ । ପ୍ରୟାଗରାଜର ଆକାଶରେ ପ୍ରଶିକ୍ଷଣ ବେଳେ ବାୟୁ ସେନାର ଏକ ବିମାନ ଦୁର୍ଘଟଣାଗ୍ରସ୍ତ ହୋଇଛି । ଉଡ଼ୁଥିବା ବେଳେ ବିମାନ ଇଞ୍ଜିନ୍ ଫେଲ୍ ହେବାରୁ ତାହା ପୋଖରୀରେ ଖସି ପଡ଼ିଛି ।

ପ୍ରୟାଗରାଜ ସହର ମଧ୍ୟରେ ଥିବା କେପି କଲେଜ ପଛ ପାର୍ଶ୍ଵରେ ଥିବା ପୋଖରୀକୁ ଅଚାନକ ଏୟାରକ୍ରାଫ୍ଟଟି ଖସି ପଡ଼ିଥିଲା । ବିମାନ ଖସିବା ଦେଖି ସ୍ଥାନୀୟ ଲୋକ ପ୍ରଶାସନ ଓ ପୋଲିସକୁ ଅବଗତ କରାଇଥିଲେ ।