ଲକ୍ଷ୍ନୌ: ସବୁ ସାରିଦେଲା ନିଆଁ । ନେଇଗଲା ୧୫ ଜୀବନ । ଉତ୍ତରପ୍ରଦେଶ ରାଜଧାନୀ ଲକ୍ଷ୍ନୌର ଅଲୀଗଞ୍ଜର ଏକ ୩ ମହଲା କୋଠାରେ ଲାଗିଥିବା ନିଆଁରେ ଏବେ ସୁଦ୍ଧା ୧୫ ଜଣଙ୍କ ମୃତ୍ୟୁ ହୋଇଛି । ମୃତକଙ୍କ ମଧ୍ୟରେ ଅଧିକାଂଶ ଛାତ୍ର ଥିବା ସୂଚନା ମିଳିଛି ।

୩ ମହଲା କୋଠାକୁ ନିଆଁ ଓ ଧୂଆଁ ଆଚ୍ଛାଦିତ କରି ନେଇଛି । କୋଠାର ଦ୍ଵିତୀୟ ମହଲାରେ ଥିବା ଲର୍ଣ୍ଣିଂ ସ୍ପେସ୍ ନାମକ ଲାଇବ୍ରେରୀ ଓ କୋଟି ସେଣ୍ଟରରେ ଥିବା ଛାତ୍ରଛାତ୍ରୀ ନିଆଁ ଓ ଧୂଆଁରୁ ରକ୍ଷା ପାଇଁ ବାଥରୁମ୍‌ରେ ପଶି ଯାଇଥିଲେ ।

ଏପରିକି ଜଣେ ଛାତ୍ର ଜୀବନ ବଞ୍ଚାଇବାକ ପ୍ରଥମ ମହଲାରୁ ଡେଇଁ ପଡ଼ିଥିଲେ । କିନ୍ତୁ ତଳେ ଥିବା ଗ୍ରୀଲ୍‌ରେ ଲାଗିବାରୁ ସେ ଗୁରୁତର ଆହତ ହୋଇଛନ୍ତି । ତାଙ୍କୁ ରକ୍ତାକ୍ତ ଅବସ୍ଥାରେ ମେଡିକାଲ୍‌ରେ ଭର୍ତ୍ତି କରାଯାଇଛି ।

ଏଥିସହ ପଢ଼ନ୍ତୁ: ୩ ମହଲା କୋଠାକୁ ଗିଳିଦେଲା ନିଆଁ; ୧୩ ଜଣଙ୍କ ମୃତଦେହ ଉଦ୍ଧାର 

କାନ୍ଥ ଭାଙ୍ଗି ବାହାର କଲେ...

ଅଗ୍ନିକାଣ୍ଡ ସୂଚନା ପାଇଁ ଅଗ୍ନିଶମ ବାହିନୀର ପ୍ରାୟ ୧୫ଟି ଗାଡ଼ି ସହ SDRF ଓ NDRF ଟିମ୍ ପହଞ୍ଚି ଉଦ୍ଧାର ଓ ନିଆ ଲିଭା ଆରମ୍ଭ କରିଥିଲେ । ପ୍ରବଳ ଧୂଆଁ ଓ ଭୀଷଣ ନିଆଁ ପାଇଁ ଉଦ୍ଧାର ମୁସ୍କିଲ୍ ହୋଇ ପଡ଼ିଥିଲା ।

#କୋଚିଂ_ସେଣ୍ଟର_ଅଗ୍ନିକାଣ୍ଡ: ୧୪ ମୃତ
ଉତ୍ତର ପ୍ରଦେଶର ଲକ୍ଷ୍ନୌରେ ଏକ କୋଚିଂ ସେଣ୍ଟରରେ ଅଗ୍ନିକାଣ୍ଡ
ଅଗ୍ନିକାଣ୍ଡରେ ବର୍ତ୍ତମାନ ସୁଦ୍ଧା ୧୪ ଜଣଙ୍କର ମୃତ୍ୟ ହୋଇଥିବା ସୂଚନା
କିଛି ଲୋକ ଏବେ ମଧ୍ୟ ଭିତରେ ଫସି ରହିଥିବା ଅନୁମାନ
ଜୀବନ ବଞ୍ଚାଇବାକୁ କିଛି ଲୋକ ଛାତରୁ ଡେଇଁପଡ଼ିଲେ#UttarPradesh #FireSafety #LucknowFire… pic.twitter.com/M9e7uU8Cg8

— Argus News (@ArgusNews_in) June 22, 2026

ଅଗ୍ନିଶମ ବାହିନୀ କର୍ମଚାରୀ କୋଠାର ପଛ ଭାଗ କାନ୍ଥ ଭାଙ୍ଗି ଭିତେ ପଶିବା ସହ ଫସିଥିବା ଲୋକଙ୍କୁ ଉଦ୍ଧାର କରିଛନ୍ତି । ଆହୁରି କିଛି ଜଣ ଭିତରେ ଫସି ରହିଥିବା ଆଶଙ୍କା କରୁଛନ୍ତି ଅଗ୍ନିଶମ କର୍ମଚାରୀ ।

୩ ମହଲା କୋଠାର ବେସମେଣ୍ଟ, ତଳ ମହଲା, ଓ ପ୍ରଥମ ମହଲାରେ ପେଟ୍ ଶପ୍ ଓ କ୍ଲିନିକ୍ ରହିଛି । ଯେତେବେଳେ କି ଦ୍ଵିତୀୟ ମହଲାରେ ଲାଇବ୍ରେରୀ ଓ ହେଡ୍ ହାପର ଷ୍ଟୁଡିଓ ସହ ୩ଡି ଆର୍ଟ ପ୍ରଡକ୍ସନ୍ ଓ ଗେମ୍ ଆସେଟ୍ ରହିଛି ।

ପ୍ରତ୍ୟକ୍ଷଦର୍ଶୀ କହିଲେ, କେମିତି ଲାଗିଲା ନିଆଁ ?

ସେଠାରେ ଥିବା ପ୍ରତ୍ୟକ୍ଷଦର୍ଶୀଙ୍କ ଅନୁସାରେ, ବିଦ୍ୟୁତ୍ ଖୁଣ୍ଟରେ ସର୍ଟ ସର୍କିଟ ପରେ ନିଆଁ ସିଧା କୋଠାକୁ ବ୍ଯାପିଥିଲା । ସଙ୍ଗେ ସଙ୍ଗେ ବିଲ୍ଡିଂଟି ଧୂଆଁରେ ଭରି ଯାଇଥିଲା । ଜୀବନ ବଞ୍ଚାଇବାକୁ କିଛି ଜଣ ଛାତରୁ ତଳକୁ ଡେଇଁ ପଡ଼ିଥିଲେ ।

ଏଥିସହ ପଢ଼ନ୍ତୁ: ହଠାତ୍ କାମ କଲାନି ୪ ମାସର ଛୁଆର ହୃତ୍‌ପିଣ୍ଡ; ଡାକ୍ତର କଲେ ଚମତ୍କାର 

ଉତ୍ତରପ୍ରଦେଶ ଉପମୁଖ୍ୟମନ୍ତ୍ରୀ ବ୍ରଜେଶ ପାଠକ ଅଗ୍ନିକାଣ୍ଡ ସ୍ଥଳରେ ପହଞ୍ଚି ଉଦ୍ଧାର ଓ ନିଆଁ ଲିଭାଇବା ସ୍ଥିତି ଉପରେ ନଜର ରଖିଛନ୍ତି । ଏବେ ସୁଦ୍ଧା ୧୫ ଜଣଙ୍କ ମୃତ୍ୟୁ ହୋଇଥିବା ବେଳେ ସେମାନଙ୍କ ବୟସ ୨୦ରୁ ୨୪ ବର୍ଷ ମଧ୍ୟରେ ବୋଲି ଜଣାପଡ଼ିଛି ।

ଅଗ୍ନିକାଣ୍ଡକୁ ନେଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦୁଃଖ ପ୍ରକାଶ କରିଛନ୍ତି । ମୃତକଙ୍କ ପରିବାରକୁ ୨ ଲକ୍ଷ ଓ ଆହତଙ୍କୁ ୫୦ ହଜାର ଦେବାକୁ ପିଏମ୍‌ ପକ୍ଷରୁ ଅନୁକମ୍ପାମୂଳକ ସହାୟତା ଘୋଷଣା କରାଯାଇଛି । ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ତଦନ୍ତ ନିର୍ଦ୍ଦେଶ ଦେଇଛନ୍ତି । ସମଗ୍ର ମାମଲାର ଯାଞ୍ଚ ପାଇଁ DGP, ଗୃହ ବିଭାଗର ଉପମୁଖ୍ୟ ସଚିବଙ୍କୁ ନିର୍ଦ୍ଦେଶ ଦେଇଛନ୍ତି ମୁଖ୍ୟମନ୍ତ୍ରୀ ।