ଡେରାଡୁନ: ଭାରତର ବିଭିନ୍ନ ସ୍ଥାନରେ ମୌସୁମୀ ବର୍ଷା ଜାରି ରହିଛି । ବିଶେଷ କରି ପାହାଡିଆ ଏବଂ ତଳିଆ ଅଞ୍ଚଳରେ ପ୍ରବଳ ବର୍ଷା ସାଧାରଣ ଜୀବନକୁ ବାଧାପ୍ରାପ୍ତ କରିଛି। ବିଭିନ୍ନ ରାଜ୍ୟରୁ ବନ୍ୟା ଜଳ ରାସ୍ତାରେ ପ୍ରବାହିତ ହେଉଥିବାବେଳେ ଭୂସ୍ଖଳନର ରିପୋର୍ଟ ଆସିଛି । ଏବେ ସୋସିଆଲ ମିଡିଆରେ ଭୂସ୍ଖଳରନ ଏକ ଛାତିଥରା ଭିଡିଓ ବେଶ ଭାଇରାଲ ହେଉଛି, ଯାହାକି ଦେବଭୂମି ଉତ୍ତରାଖଣ୍ଡର । ଏହି ଦୃଶ୍ୟଗୁଡ଼ିକ ନିରନ୍ତର ବର୍ଷା ଦ୍ୱାରା ସୃଷ୍ଟି ହେଉଥିବା ବିପଦକୁ ସ୍ପଷ୍ଟ କରିଛି ।

ଉତ୍ତରାଖଣ୍ଡର ତେହରି ଗଡ଼ୱାଲ ଜିଲ୍ଲାର ସୁରକନ୍ଦାଦେବୀ ମନ୍ଦିର ନିକଟ କଡୁଖାଲରୁ ଏକ ଭୟଙ୍କର ଭିଡିଓ ସାମ୍ନାକୁ ଆସିଛି । ଲଗାତାର ବର୍ଷା ଯୋଗୁଁ ତଳ ମାଟି ବତୁରି ଯାଇଥିବାରୁ ଏକ ହୋଟେଲ ଏବଂ ନିକଟରେ ଥିବା ଏକ ଘରର ଅଧା ଭାଗ ଭୁଶୁଡ଼ି ପଡ଼ିଛି । କିଛି ସେକେଣ୍ଡ ମଧ୍ୟରେ ଘର କାଗଜ ଘର ପରି ଭୁଶୁଡ଼ି ପଡ଼ିଥିଲା, ଯାହା ଫଳରେ ଅଞ୍ଚଳରେ ଆତଙ୍କ ସୃଷ୍ଟି ହୋଇଛି । ସୌଭାଗ୍ୟବଶତଃ ଘଟଣା ଘଟିବା ସମୟରେ ଉଭୟ କୋଠା ଭିତରେ କେହି ନଥିଲେ, ଯାହା ଏକ ବଡ଼ ଦୁର୍ଘଟଣାକୁ ରୋକି ଦେଇଛି ।

• ପ୍ରବଳ ବର୍ଷା ଯୋଗୁଁ ଭୂସ୍ଖଳନ

ଭାଇରାଲ ଭିଡିଓରେ ଦେଖାଯାଉଛି ଯେ ପ୍ରଥମେ ଉଚ୍ଚ ସ୍ଥାନରେ ଥିବା ଏକ ଘର ତଳର ମାଟି ଧୀରେ ଧୀରେ ଖସୁଛି । ଏହାପରେ ଆଖି ପିଛୁଳାକେ ଉକ୍ତ ୨ ତାଲା କୋଠା କାଗଜ ଘର ପରି ଭୁଶୁଭୁଶୁ ହୋଇ ଭାଙ୍ଗିଯାଉଛି । ଏହି ଛାତିଥରା ଘଟଣା ପରେ ସ୍ଥାନୀୟ କର୍ତ୍ତୃପକ୍ଷ ଘଟଣାସ୍ଥଳକୁ ଯାଇ କ୍ଷୟକ୍ଷତି ଆକଳନ କରିବା ଆରମ୍ଭ କରିଛନ୍ତି । ଅଧିକାରୀମାନେ କହିଛନ୍ତି ଯେ ନିରନ୍ତର ବର୍ଷା ଯୋଗୁଁ ଉତ୍ତରାଖଣ୍ଡର ଅନେକ ପାର୍ବତ୍ୟାଞ୍ଚଳରେ ଭୂସ୍ଖଳନର ଆଶଙ୍କା ବହୁ ପରିମାଣରେ ବୃଦ୍ଧି ପାଇଛି ।

A terrifying landslide video....!!!!

Video of damage caused by incessant torrential rain in Uttarakhand's Tehri district are now emerging; due to the continuous downpour, a section of a hotel and a house came crashing down in a matter of seconds. Fortunately, there was no loss… pic.twitter.com/N5slmXogp6

— PRATEEK BAJPAI (@prateekbajpai07) July 9, 2026

• ରାସ୍ତାରେ ଫାଟ, ଘରେ ଫାଟ

ଗତ କିଛି ଦିନ ମଧ୍ୟରେ ରାଜ୍ୟର ବିଭିନ୍ନ ସ୍ଥାନରୁ ପାହାଡ଼ ଧସିବା, ରାସ୍ତାରେ ଫାଟ ସୃଷ୍ଟି ହେବା ଏବଂ କୋଠାଗୁଡ଼ିକ କ୍ଷତି ହେବାର ରିପୋର୍ଟ ସାମ୍ନାକୁ ଆସିଛି, ଯାହା ବାସିନ୍ଦା ଏବଂ ପର୍ଯ୍ୟଟକଙ୍କ ମଧ୍ୟରେ ଚିନ୍ତା ସୃଷ୍ଟି କରିଛି । ପ୍ରବଳ ବର୍ଷା ସମୟରେ ଅନାବଶ୍ୟକ ଯାତ୍ରା ଏଡାଇବାକୁ ଏବଂ ଭୂସ୍ଖଳନ ପ୍ରବଣ ଅଞ୍ଚଳରୁ ଦୂରେଇ ରହିବାକୁ ପ୍ରଶାସନ ଲୋକଙ୍କୁ ଅନୁରୋଧ କରିଛି । ଲୋକଙ୍କୁ ପାଣିପାଗ ସତର୍କତା ଏବଂ କର୍ତ୍ତୃପକ୍ଷଙ୍କ ଦ୍ୱାରା ଜାରି କରାଯାଇଥିବା ସରକାରୀ ପରାମର୍ଶକୁ କଡ଼ାକଡ଼ି ପାଳନ କରିବାକୁ ପରାମର୍ଶ ଦିଆଯାଇଛି । ରାଜ୍ୟର ପାର୍ବତ୍ୟ ଜିଲ୍ଲାଗୁଡ଼ିକରେ ସତର୍କତା ଜାରି ରହିଛି । ସେପଟେ ଅଧିକାରୀମାନେ ବଢୁଥିବା ପାଣିପାଗ ପରିସ୍ଥିତି ଉପରେ କଡ଼ା ନଜର ରଖିଛନ୍ତି।

ପଢନ୍ତୁ ଏହି ଖବର: ୨୪ ଘଣ୍ଟାରେ ଦି'ଥର ଧସିଲାଣି ପାହାଡ଼; ୫ ଖଣ୍ଡ ଗାଁକୁ ଯୋଗାଯୋଗ ବିଚ୍ଛିନ୍ନ, ଭୟରେ ଲୋକେ

• କାହିଁକି ଲଗାଣ ବର୍ଷା ଭୂସ୍ଖଳନର ଆଶଙ୍କା ବୃଦ୍ଧି କରେ ?

ବିଶେଷଜ୍ଞମାନେ କହିଛନ୍ତି ଯେ ଦୀର୍ଘ ସମୟ ଧରି ବର୍ଷା ହେବା ଦ୍ଵାରା ମାଟି ପାଣି ପିଇ ବତୁରି ଯାଏ, ଯାହା ଫଳରେ ମାଟି ଅସ୍ଥିର ହୋଇଯାଏ ଏବଂ ଭୂସ୍ଖଳନର ସମ୍ଭାବନା ଯଥେଷ୍ଟ ବୃଦ୍ଧି ପାଏ । ଉତ୍ତରାଖଣ୍ଡ ଭଳି ପାହାଡିଆ ରାଜ୍ୟଗୁଡ଼ିକ ମୌସୁମୀ ଋତୁରେ ବିଶେଷ ଭାବରେ ଦୁର୍ବଳ ହୋଇପଡ଼େ କାରଣ ଲଗାତାର ବର୍ଷା ସହିତ ଖାଲ ରାସ୍ତା ଏବଂ କୋଠାର ମୂଳଦୁଆକୁ ଦୁର୍ବଳ କରିଦିଏ । କର୍ତ୍ତୃପକ୍ଷ ସ୍ଥାନୀୟ ବାସିନ୍ଦା ଏବଂ ପର୍ଯ୍ୟଟକମାନଙ୍କୁ ସତର୍କ ରହିବାକୁ ଏବଂ ଫାଟ କିମ୍ବା ମାଟି ରାସ୍ତା ଦେଇ ଅସ୍ୱାଭାବିକ ଜଳ ପ୍ରବାହର କୌଣସି ଲକ୍ଷଣ ଦେଖାଗଲେ ତୁରନ୍ତ ରିପୋର୍ଟ କରିବାକୁ ପରାମର୍ଶ ଦେଇଛନ୍ତି।