ନେପାଳ ରାଜଧାନୀ କାଠମାଣ୍ଡୁରୁ ଆସିଲା ବଡ଼ ଖବର । ଏଠାରେ ଏକ ଅନ୍ତର୍ଜାତୀୟ ବିମାନ ବନ୍ଦରରେ ଏକ ବିମାନ ଆଜି ସକାଳ ୬.୪୫ଟାରେ ଅବତରଣ କରିବା ସମୟରେ ଏହାର ଚକରେ ନିଆଁ ଲାଗିଯାଇଥିବା ସୂଚନା । ଏହାପରେ ପୂରା ବିମାନ ବନ୍ଦରରେ ହଇଚଇ ସୃଷ୍ଟି ହୋଇଥିଲା । ଯେତେବେଳେ ଏହି ଘଟଣା ଘଟିଥିଲା, ସେତେବେଳେ ବିମାନରେ ପ୍ରାୟ ୨୭୮ ଜଣ ଯାତ୍ରୀ ଯାତ୍ରା କରୁଥିଲେ, ଯେଉଁଥିରେ ୪ ଜଣ ଛୋଟ ପିଲାଙ୍କ ସହିତ ଚାଳକ ଦଳର ୧୧ ଜଣ ସଦସ୍ୟ ବି ସାମିଲ ।

• କଣ ପୂରା ଘଟଣା ?

କାଠମାଣ୍ଡୁର ତ୍ରିଭୂବନ ଅନ୍ତର୍ଜାତୀୟ ବିମାନ ବନ୍ଦରରେ ଅବତରଣ କରିବା ସମୟରେ ତୁର୍କୀ ଏୟାରଲାଇନ୍ସର ଏକ ବିମାନର ଚକରେ ହଠାତ୍ ନିଆଁ ଲାଗିଥିଲା । ସୌଭାଗ୍ୟବଶତଃ କିଛି ଅଘଟଣ ଘଟିବା ପୂର୍ବରୁ ଯାତ୍ରୀମାନେ ଅଳ୍ପକେ ବର୍ତ୍ତିଛନ୍ତି । ସଙ୍ଗେ ସଙ୍ଗେ ସମସ୍ତ ଲୋକଙ୍କୁ ସୁରକ୍ଷିତ ଭାବେ ବାହାରକୁ ବାହାର କରାଯାଇଥିଲା ଏବଂ ନିଆଁକୁ ନିୟନ୍ତ୍ରଣ କରାଯାଇଥିବା ପୋଲିସ ପକ୍ଷରୁ କୁହାଯାଇଛି । ତୁର୍କୀ ଏୟାରଲାଇନ୍ସର ବିମାନ TK 726 ଇସ୍ତାନବୁଲରୁ କାଠମାଣ୍ଡୁ ଯାତ୍ରା କରୁଥିଲା ଓ ଅବତରଣ ବେଳେ ଟାୟାରରେ ନିଆଁ ଲାଗିଯାଇଥିଲା ।

Nepal | A Turkish Airlines aircraft’s tyre catches fire while landing at Tribhuvan International Airport in Kathmandu. The fire has been doused and all passengers have been evacuated, confirmed the police.

“The Turkish Airlines TK 726 was en route to Kathmandu from Istanbul and…

— ANI (@ANI) May 11, 2026

• ବିମାନରେ ଥିଲେ ବରିଷ୍ଠ ଅଧିକାରୀ

ଏହି ବିମାନରେ ୟୁଏଇର କିଛି ବରିଷ୍ଠ ଅଧିକାରୀ ବି ଯାତ୍ରା କରୁଥିବା ସୂଚନା ମିଳିଛି । ପୋଲିସ ଓ ବିମାନ ଅଧିକାରୀଙ୍କ କହିବାନୁସାରେ, ସମସ୍ତ ଯାତ୍ରୀ ଓ କର୍ମଚାରୀ ସୁରକ୍ଷିତ ଅଛନ୍ତି । ସଠିକ୍ ସମୟରେ ସତର୍କତାମୂଳକ ପଦକ୍ଷେପ ଗ୍ରହଣ କରିବା ପରେ ଶହ ଶହ ଯାତ୍ରୀଙ୍କ ଜୀବନ ବଞ୍ଚିଯାଇଥିବାବେଳେ ସ୍ଥିତିକୁ ନିୟନ୍ତ୍ରଣକୁ ନିଆଯାଇଛି । ତେବେ ଅଘଟଣ ପରେ ଯାତ୍ରୀମାନେ ଭୟଭୀତ ହୋଇପଡ଼ିଥିବା ଦେଖିବାକୁ ମିଳିଥିଲା । 

ପଢନ୍ତୁ ଏହି ଖବର: ବିମାନ ଉଡ଼ାଣ ବେଳେ ଫେଲ୍ ହୋଇଗଲା ଇଞ୍ଜିନ୍‍, ଲାଗିଲା ନିଆଁ; ୬ ଯାତ୍ରୀ ଆହତ

• ବିମାନ ଯାତ୍ରା ପ୍ରଭାବିତ

ଏହି ଅଘଟଣ ଘଟିବା ପରେ ଅନେକ ବିମାନ ଚଳାଚଳ ବାଧାପ୍ରାପ୍ତ ହୋଇଛି । ଅନେକ ବିମାନକୁ କାଠମାଣ୍ଡୁ ଏୟାରସ୍ପେଶରେ ଅଟକ ରଖାଯାଇଥିଲା । ଏହି ବିମାନ ମଧ୍ୟରେ ଏୟାର ଇଣ୍ଡିଆର ବିମାନ AI 215, ଯାହାକି ଦିଲ୍ଲୀରୁ ଆସୁଥିଲା ଏବଂ ଏୟାର ଏରାବିୟା ବିମାନ G9 536, ଯାହାକି ଶାରଜାହରୁ ଆସୁଥିଲା । ଏହି ଅଘଟଣର ଭିଡିଓ ଏବେ ସୋସିଆଲ ମିଡିଆରେ ଖୁବ ଭାଇରାଲ ହେବାରେ ଲାଗିଛି, ଯେଉଁଥିରେ ପୂରା ବିମାନ ବନ୍ଦର ଧୂଆଁମୟ ହୋଇଯାଇଥିବା ଦେଖିବାକୁ ମିଳିଛି । ଟାୟାରରେ ନିଆଁ ଲାଗିବାର ସଠିକ୍ କାରଣ ଏପର୍ଯ୍ୟନ୍ତ ଜଣାପଡ଼ି ନାହିଁ । ଏୟାରଲାଇନ୍ସ ଅଧିକାରୀମାନେ ଅଧିକ ତଦନ୍ତ ଆରମ୍ଭ କରିଛନ୍ତି ।