|
logo
Live

Argus News - ବାଣ କାରଖାନାରେ ଭୟଙ୍କର ବିସ୍ଫୋରଣ; ୧୬ ମୃତ, ବଢିପାରେ ମୃତକଙ୍କ ସଂଖ୍ୟା

Accident

Factory Blast / ବାଣ କାରଖାନାରେ ଭୟଙ୍କର ବିସ୍ଫୋରଣ; ୧୬ ମୃତ, ବଢିପାରେ ମୃତକଙ୍କ ସଂଖ୍ୟା

Debashree Debasmita Sahoo
Browse all articles by Debashree Debasmita Sahoo
·2 hours ago·2 min read
ବାଣ କାରଖାନାରେ ଭୟଙ୍କର ବିସ୍ଫୋରଣ; ୧୬ ମୃତ, ବଢିପାରେ ମୃତକଙ୍କ ସଂଖ୍ୟା
Factory Blast

Key Points

ରବିବାର ଛୁଟିଦିନରେ ବଡ଼ ଧମାକା
ବାଣ କାରଖାନାରେ ଭୟଙ୍କର ବିସ୍ଫୋରଣ
ତାମିଲନାଡୁର ବିରୁଧୁନଗର ଜିଲ୍ଲାରେ ଆଜି (ରବିବାର) ଏକ ବାଣ କାରଖାନାରେ ଭୟଙ୍କର ବିସ୍ଫୋରଣ ଘଟିଛି । ଅଗ୍ନିଶମ ଏବଂ ଉଦ୍ଧାର ବିଭାଗ ଅନୁଯାୟୀ ଏପର୍ଯ୍ୟନ୍ତ ୧୬ ଜଣଙ୍କ ମୃତଦେହ ଉଦ୍ଧାର କରାଯାଇଛି । ସେପଟେ ବିସ୍ଫୋରଣରେ ଗୁରୁତର ଭାବେ ଆହତ ହୋଇଥିବା ୬ ଜଣଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି । ଏବେ ବି ଅନେକ ଲୋକ ଭଗ୍ନାବଶେଷ ତଳେ ଫସି ରହିଥିବା ଆଶଙ୍କା କରାଯାଉଥିବାବେଳେ ଉଦ୍ଧାର କାର୍ଯ୍ୟ ଜାରି ରହିଛି ।

କୁହାଯାଉଛି ବିସ୍ଫୋରଣ ଏତେ ଶକ୍ତିଶାଳୀ ଥିଲା ଯେ କାରଖାନା ଚାରିପାଖରେ ଥିବା କୋଠାରେ ଫାଟ ସୃଷ୍ଟି ହୋଇଛି । ଅଗ୍ନିଶମ କର୍ମଚାରୀ, ପୋଲିସ ଏବଂ ଉଦ୍ଧାରକାରୀ ଦଳ ଘଟଣାସ୍ଥଳରେ ପହଞ୍ଚି ଭଗ୍ନାବଶେଷକୁ ହଟାଉଛନ୍ତି ଏବଂ ଫସି ରହିଥିବା ଲୋକଙ୍କୁ ଉଦ୍ଧାର କରୁଛନ୍ତି । ବିସ୍ଫୋରଣର କାରଣ ବର୍ତ୍ତମାନ ସ୍ପଷ୍ଟ ହୋଇନାହିଁ ।

  • ସିଏମ ଷ୍ଟାଲିନଙ୍କ ଶୋକ
ତାମିଲନାଡୁ ମୁଖ୍ୟମନ୍ତ୍ରୀ ଏମକେ ଷ୍ଟାଲିନ ଏହି ଘଟଣାରେ ଟ୍ୱିଟରରେ ଦୁଃଖ ପ୍ରକାଶ କରି ଲେଖିଛନ୍ତି, "ଏହି ଦୁର୍ଘଟଣାରେ ଜୀବନ ହରାଇବା ଖବର ଅତ୍ୟନ୍ତ ଦୁଃଖଦାୟକ । ମୁଁ ମୃତକଙ୍କ ପରିବାର ପ୍ରତି ଗଭୀର ସମବେଦନା ଜଣାଉଛି ।" ମୁଖ୍ୟମନ୍ତ୍ରୀ ତୁରନ୍ତ ଘଟଣାସ୍ଥଳକୁ ଯିବା ପାଇଁ ମନ୍ତ୍ରୀମାନଙ୍କୁ ନିର୍ଦ୍ଦେଶ ଦେଇଛନ୍ତି । ସମସ୍ତ ଆବଶ୍ୟକୀୟ ସହାୟତା ଏବଂ ସମନ୍ୱୟ ଯୋଗାଇବା ପାଇଁ ସେ ଜିଲ୍ଲା କଲେକ୍ଟରଙ୍କ ସହ କଥା ହୋଇଛନ୍ତି ।

  • ୬ ଦିନ ପୂର୍ବରୁ ବି ହୋଇଥିଲା ବିସ୍ଫୋରଣ
ଏହା ପୂର୍ବରୁ, ଏପ୍ରିଲ ୧୩ ତାରିଖରେ ରାଜ୍ୟର ବିରୁଧୁନଗର ସତ୍ତୁର ନିକଟସ୍ଥ ସଥିରାପାଟ୍ଟି ଅଞ୍ଚଳରେ ଏକ ବାଣ କାରଖାନାରେ ବିସ୍ଫୋରଣ ହୋଇଥିଲା, ଯେଉଁଥିରେ ଦୁଇ ଜଣ ଶ୍ରମିକଙ୍କ ମୃତ୍ୟୁ ହୋଇଥିଲା । ପାଣ୍ଡି ନାମକ ଜଣେ ଶ୍ରମିକ ପୋଡ଼ିଯିବାରୁ ଘଟଣାସ୍ଥଳରେ ମୃତ୍ୟୁବରଣ କରିଥିଲେ । କାରୁପ୍ପାସାମୀ (୩୩)ଙ୍କ ଏକ ହସ୍ପିଟାଲରେ ଚିକିତ୍ସାଧୀନ ଅବସ୍ଥାରେ ମୃତ୍ୟୁ ହୋଇଥିଲା ।

  • ତାମିଲନାଡୁରେ ସବୁଠୁ ଅଧିକ ବାଣ କାରଖାନା
ଏଠାରେ କହିରଖୁଛୁ କି, ଦେଶରେ ତାମିଲନାଡୁରେ ସବୁଠୁ ଅଧିକ ବାଣ କାରଖାନା ଅଛି । ତାମିଲନାଡୁର ଶିବକାଶୀକୁ ଭାରତର ବାଣର ରାଜଧାନୀ ବୋଲି କୁହାଯାଏ । ରାଜ୍ୟରେ ପ୍ରାୟ ୧୦୦୦ରୁ ଅଧିକ ଲାଇନେନ୍ସପ୍ରାପ୍ତ ବାଣ କାରଖାନା ରହିଛି । ଦେଶର ମୋଟ ବାଣର ୮୦-୯୦% ଉତ୍ପାଦନ ଭାରତର ଏହି ଦକ୍ଷିଣାଞ୍ଚଳ ରାଜ୍ୟରେ ହୋଇଥାଏ । ଶିବକାଶୀର ଶୁଷ୍କ ପାଣିପାଗ ଯୋଗୁଁ ଏଠାରେ ଅଧିକ ବାଣ ଉତ୍ପାଦନ କରାଯାଏ । ପିଢି ପରେ ପିଢି ଏହି କାମରେ ଲାଗିଥିବା ଦେଖିବାକୁ ମିଳେ ।

ଅଧିକ ଖବର ପଢନ୍ତୁ...


Argus News App

📱 Get Argus News App

📰 60 Word News🎬 Argus Podcast📺 Live TV and Breaking News🔔 Free Notification Alerts
Download Free:
Sponsored
Factory Blast: ବାଣ କାରଖାନାରେ ଭୟଙ୍କର ବିସ୍ଫୋରଣ; ୧୬ ମୃତ, ବଢିପାରେ ମୃତକଙ୍କ ସଂଖ୍ୟା | Argus News