ଭଦ୍ରକ : ଦୁଇଦିନ ହେଲା ଲାଗି ରହିଛି ବର୍ଷା । ଅସ୍ତବ୍ୟସ୍ତ ହୋଇଗଲାଣି ଜନଜୀବନ । ପ୍ରବଳ ବର୍ଷା ଯୋଗୁଁ ଚାଷୀଙ୍କର ଏକର ଏକର ଫସଲ ନଷ୍ଟ ହୋଇଯାଇଛି । ବଙ୍ଗୋପ ସାଗରରେ ଗୁରୁଚାପ ବଳୟ ଲାଗିରଥିବାରୁ ରାଜ୍ୟରେ ବିଭିନ୍ନ ଜିଲ୍ଲାରେ ଦୁଇ ଦିନ ଧରି ଅଦନିଆ ବର୍ଷା ଲାଗି ରହିଛି । ଫଳରେ ସାଧାରଣ ଲୋକଙ୍କ ଜୀବନ ଅସ୍ତବ୍ୟସ୍ତ ହୋଇପଡିଛି । ଭଦ୍ରକ ଜିଲ୍ଲାରେ ମଧ୍ୟ ଦୁଇ ଦିନ ଧରି ବର୍ଷା ଲାଗି ରହିଛି । ଗତକାଲି ମଧ୍ୟରାତ୍ରିରୁ ବର୍ଷା ସାଙ୍ଗକୁ ପବନ ଓ ଘଡ଼ ଘଡ଼ି ହୋଇଥିଲା ।
ଅଧିକ ପଢନ୍ତୁ : ଯାଜପୁରରେ ଲଗାାଣବର୍ଷା ଜାରି
ଫଳରେ ସକାଳୁ ସକାଳୁ ମଧ୍ୟ ତୁହାକୁ ତୁହା ଝିପି, ଝିପି ବର୍ଷା ଲାଗି ରହିବା ଫଳରେ ଲୋକମାନେ ବହୁ ଅସୁବିଧାରେ ସମ୍ମୁଖୀନ ହେଉଛନ୍ତି । ଏହିଭଳି ବର୍ଷା ଯଦି ଲାଗି ରହେ ତାହା ହେଲେ ଭଦ୍ରକ ସହରରେ ତଳିଆ ଅଞ୍ଚଳରେ ଜଳମଗ୍ନ ହେବା ନେଇ ଆଶଙ୍କା କରାଯାଉଛି । ତେବେ ପୌରପାଳିକାରେ ଜଳମଗ୍ନ ହେଲେ ସମସ୍ତ ପ୍ରକାରର ଜମି ଥିବା ପାଣିକୁ ନିଷ୍କାସନ କରିବାର ମଧ୍ୟ ପ୍ରସ୍ତୁତ ରହିଥିବା ପୌର ପ୍ରଶାସନ ସୂଚନା ଦେଇଛନ୍ତି ।