ସୁବର୍ଣ୍ଣପୁର: କାର୍ ରୁ ମିଳିଲା 55 ଲକ୍ଷ 20 ହଜାର ଟଙ୍କା । ସୁବର୍ଣ୍ଣପୁର ଜିଲ୍ଲା ବିନିକାରେ ଚେକିଙ୍ଗ ବେଳେ କଲେଜ ଛକ ନିକଟରୁ ଇନୋଭା କାରରୁ ଜବତ ହୋଇଛି 55ଲକ୍ଷ 20 ହଜାର ଟଙ୍କା । ସାଧାରଣ ନିର୍ବାଚନ ପୂର୍ବରୁ ବିନିକା ପୋଲିସ ସ୍ଥାନୀୟ କଲେଜ ଛକ ନିକଟରୁ ନାକା ବନ୍ଦୀ କାରି ଚେକିଂ କରୁଥିବେଳେ ସନ୍ଦେହରେ ଏକ ଇନୋଭା ଗାଡିକୁ ଅଟକାଇଥିଲା ।
ଗାଡ଼ିରେ 4 ଜଣ ବ୍ୟକ୍ତି ବସିଥିବାବେଳେ ଆନ୍ଧ୍ରପ୍ରଦେଶ କାକିନାଡ଼ା ଜିଲ୍ଲାକୁ ଯାଉଥିବା ସୂଚନା ମିଳିଛି । ତେବେ ସେହି ଗାଡ଼ିରୁ 55 ଲକ୍ଷ 20 ହଜାର ଟଙ୍କା ମିଳିଥିଲା । ଟଙ୍କା ଜବତ କରି ବ୍ୟାଙ୍କରେ ଜମା କଲା ବିନିକା ପୋଲିସ । ପୋଲିସ ପକ୍ଷରୁ ଅଧିକ ତଦନ୍ତ ଜାରି ରହିଥିବା ସୂଚନା ରହିଛି ।
ଆହୁରି ପଢନ୍ତୁ ଓଡିଶା ଖବର...