ଅର୍ଗସ ବ୍ୟୁରୋ : ପୁଣି ଅଶାନ୍ତ ଗଞ୍ଜାମ । ଗାଁରେ ବୁଲିଲା ଖଣ୍ଡା । ଅଧ ରାତିରେ ଆତଙ୍କ ଖେଳାଇଲେ ଦୁର୍ବୃତ୍ତ । ପୂର୍ବ ଶତ୍ରୁତାକୁ କେନ୍ଦ୍ର କରି ୫ରୁ ୬ ଜଣ ଯୁବକ ଏହି ଆତଙ୍କ ସୃଷ୍ଟି ହୋଇଛି। ଗଞ୍ଜାମ ଖଲ୍ଲିକୋଟ ବାଲୁଙ୍କେଶ୍ବରପୁରରେ ଘଟିଛି ଏହି ଅଘଟଣ। ଘର ଉପରକୁ ପଥର ମାଡ଼ କରିବା ସହିତ ଗାଁରେ ଖଣ୍ଡା ବୁଲାଇଛନ୍ତି ଦୁର୍ବୃତ୍ତ ।
କିଛି ଦିନ ତଳେ କ୍ରିକେଟ୍ ଖେଳକୁ ନେଇ ଗାଁର ବୁଲୁ ଗୌଡ଼ ଏବଂ ରାଜା ପ୍ରଧାନଙ୍କ ଭିତରେ ତିକ୍ତତା ଲାଗି ରହିଥିଲା । ଯାହାକୁ ନେଇ ଏଭଳି ଘଟଣା ଘଟିଛି । ଉଭୟ ପକ୍ଷ ଥାନାର ଦ୍ବାରସ୍ତ ହୋଇଛନ୍ତି । ପୋଲିସ୍ ଘଟଣାର ତଦନ୍ତ କରୁଛି । ଗୃହ ବିଭାଗର ମୁଖ୍ୟ ତଥା ଖୋଦ ମୁଖ୍ୟମନ୍ତ୍ରୀଙ୍କ ନିଜ ଜିଲ୍ଲାରେ ବଢି ଚାଲିଛି ଲ-ଲେସନେସ୍। ଯାହା ରାଜ୍ୟର ଆଇନଶୃଙ୍ଖଳା ବ୍ୟବସ୍ଥା ଉପରେ ଛିଡ଼ା କରିଛି ଅନେକ ପ୍ରଶ୍ନବାଚୀ।
ଅଧିକ ପଢ଼ନ୍ତୁ ଓଡ଼ିଶା ଖବର