ଅର୍ଗସ ବ୍ୟୁରୋ : ଦୀର୍ଘ ୨୪ ବର୍ଷ ଧରି ଶାସନ କ୍ଷମତାରେ ରହିଥିବା ବିଜେଡି ଦଳର ଅବସ୍ଥା ଅତ୍ୟନ୍ତ ଶୋଚନୀୟ ସ୍ଥିତିରେ । ଏକଥା ଆମେ କହୁନୁ ବରଂ ନବୀନଙ୍କର ଏପରି କିଛି ବୟାନ ପରେ ଚର୍ଚ୍ଚା ଲାଗି ରହିଛି । ଏବେ ନବୀନ ନିଜେ ବିଜେଡିର ନେତାମାନଙ୍କୁ ଏକାଠି ରହି କାମ କରିବାକୁ ଆହ୍ବାନ ଦେଉଛନ୍ତି । ଏବେ ବିଜେଡିକୁ ଏକାଠି କରିବା ଚିନ୍ତା ନବୀନଙ୍କୁ ଘାରିଛି । ଦିନ ଥିଲା ନବୀନଙ୍କ ଚାରିପାଖେ ଘୁରୁଥିଲେ ବିଜେଡି ନେତା । ହେଲେ ଦୀର୍ଘ ୨୭ ବର୍ଷର ଦଳକୁ ଏକାଠି ରଖି ନବୀନଙ୍କୁ କସରତ କରିବାକୁ ପଡୁଛି । 

ଅଧିକ ପଢନ୍ତୁ : ଦଳକୁ ଏକାଠି ରଖିବାକୁ ନବୀନଙ୍କୁ କରିବାକୁ ପଡୁଛି କସରତ

୧୯୯୮ରୁ ଲୋକସଭାରେ ନିଜର ପତିଆରା ଜାହିର କରୁଥିବା ବିଜେଡି ଦଳର ଏଥର ଖାତା ଖୋଲିନଥିବା ଦେଖିବାକୁ ମିଳିଛି । ଆସନ୍ତା ୨୪ରୁ ଅଷ୍ଟାଦଶ ଲୋକସଭାର ପ୍ରଥମ ଅଧିବେଶନ ଆରମ୍ଭ ହେବାକୁ ଯାଉଛି । ଏଥିରେ ଓଡିଶାର ୨୧ଟି ଲୋକସଭାରୁ ନିର୍ବାଚିତ ସାଂସଦ ମାନଙ୍କ ମଧ୍ୟରୁ ୨୦ ଜଣ ବିଜେପିର ଏବଂ କଂଗ୍ରେସର ଜଣେ ସାଂସଦ ଶପଥ ଗ୍ରହଣ କରିବେ । ଦୀର୍ଘ ୨୬ ବର୍ଷ ପରେ ଲୋକସଭାରେ ଶୁଭିବନି ବିଜେଡିର ସ୍ବର । ଏପରି ସ୍ଥିତିରେ ବିଜେଡି ଦଳ ଧିରେଧିରେ ଦୁର୍ବଳ ହେବାରେ ଲାଗିଛି ବୋଲି ନେଇ ଚର୍ଚ୍ଚା ଜୋର ଧରିଛି । ସପଟେ ଅନେକ ବିଶେଷଜ୍ଞଙ୍କ ପୂର୍ବରୁ ଆକଳନ କରିଛନ୍ତି, କ୍ଷମତାରୁ ଗଲେ ବିଜେଡିର ସତ୍ତା ହଜିଯିବ । ଏବଂ ସେପଟେ ମାତ୍ର କ୍ଷମତାରୁ ଯିବାର ୧୭ ଦିନ ହୋଇନି ନେତାମାନଙ୍କୁ ଏକାଠି କରିବାରେ ବ୍ୟସ୍ତ ବିରୋଧୀ ଦଳର ନେତା ନବୀନ । ତେବେ ଆଗାମୀ ଦିନରେ ଦଳର ଅବସ୍ଥା କିପରି ରହିବ, ଦଳକୁ ବାନ୍ଧି ରଖିପାରିବେ କି ନବୀନ ବୋଲି ସାଧାରଣରେ ଚର୍ଚ୍ଚା ଲାଗି ରହିଛି ।