ଅର୍ଗସ ବ୍ୟୁରୋ: ଆସନ୍ତାକାଲି ଓଡିଶାର ମହାନ୍ ପର୍ବ ଅକ୍ଷୟ ତୃତୀୟା । ଏହି ପର୍ବର ରହିଛି ଅନେକ ମହତ୍ତ୍ଵ। ଏହି ଦିନ ଅକ୍ଷି ମୁଠି ଅନୁକୂଳ କରାଯାଇଥାଏ । ଏହି ଅକ୍ଷୟ ତୃତୀୟାରେ କିପରି କରିବେ ମା ମହାଲକ୍ଷ୍ମୀଙ୍କୁ ଶାନ୍ତି ? ଏଥିପାଇଁ ମଧ୍ୟ ବିଭିନ୍ନ ଉପାୟ କରିବାକୁ ହେବ । କିନ୍ତୁ ତୁଳସୀ ଗଛ ସହ ଜଡିତ ଏହି ଭୁଲ କରନ୍ତୁ ନାହିଁ କରିଲେ ମା ମହାଲକ୍ଷ୍ମୀଙ୍କ କୋପ ପଡିବ । ତେବେ ଆସନ୍ତୁ ଜାଣିବା ଅକ୍ଷୟ ତୃତୀୟା କଣ କଲେ ମା' ମହାଲକ୍ଷ୍ମୀଙ୍କ ଆଶୀର୍ବାଦ ମିଳିବ ।
ଏହି ବର୍ଷ ଅକ୍ଷୟ ତୃତୀୟା ୧୦ ମେ ଶୁକ୍ରବାର ଅର୍ଥାତ ଆସନ୍ତକାଲି ପଡୁଛି । ହିନ୍ଦୁ ଶାସ୍ତ୍ରନୁସାରେ, ବୈଶାଖ ମାସ ଶୁକ୍ଳ ପକ୍ଷ ତୃତୀୟା ପକ୍ଷରେ ଏହି ପବିତ୍ର ଅକ୍ଷୟ ତୃତୀୟାର ପର୍ବ ପାଳନ କରାଯାଏ । ଜ୍ୟୋତିଷ ମାନେ ଏହି ଦିନ ମତ ଦିଅନ୍ତି ଯେ, ଏହି ଅକ୍ଷୟ ତୃତୀୟା ଦିନ ତୁଳସୀ ଗଛ ସହ ଜଡିତ କୌଣସି ଭୁଲ କରିବା ଉଚିତ୍ ନୁହେଁ ।
ଅକ୍ଷୟ ତୃତୀୟା ଦିନ ଭଗବାନ ବିଷ୍ଣୁଙ୍କ ଉପାସନା କରାଯାଉଥିବାରୁ ଏହି ଦିନ ଭୁଲରେ ବି ତୁଳସୀ ଗଛର ପତ୍ରକୁ ତୋଳାଯାଇନଥାଏ । କାରଣ ଶାସ୍ତ୍ର କୁହେ ତୁଳସୀ ଗଛରେ ଭଗବାନ ବିଷ୍ଣୁ ବାସ କରିଥାନ୍ତି । ସେଥିପାଇଁ ତୁଳସୀ ଗଛକୁ ଯତ୍ନ ସହକାରେ ପୂଜା କରାଯାଏ । ଏହି ଦିନ ଅସନା ବା ମଇଳା ହାତରେ ତୁଳସୀ ଗଛକୁ ଛୁଇଁବା ବି ଭୁଲ ବୋଲି ମନେ କରାଯାଏ । ଏହା ସହ ନ ଗାଧୋଇ ତୁଳସୀ ଗଛରେ ପାଣି ଦେବା ବି ଉଚିତ ନଥାଏ । ଅକ୍ଷୟ ତୃତୀୟା ଦିନ ତୁଳସୀ ଗଛ ପାଖରେ କୌଣସି ଅଳିଆ ଆବର୍ଜନା ରଖାଯାଇନଥାଏ । ଏହା ସହ ଜୋତା ଚପଲ ରଖିବାକୁ ବାରଣ କରାଯାଇଥାଏ ।
ଅଧିକ ପଢନ୍ତୁ ଧର୍ମ ଓ ସଂସ୍କୃତି ଖବର
ହିନ୍ଦୁ ଶାସ୍ତ୍ର କୁହେ କୌଣସି ଶୁଭ କର୍ମରେ କଳା ରଙ୍ଗର ପୋଷାକ ପିନ୍ଧିବା ଠିକ୍ ନୁହେଁ । ଏହି ଅକ୍ଷୟ ତୃତୀୟା ଦିନ ତୁଳସୀ ମା'ଙ୍କୁ ସ୍ଵଚ୍ଛ ଓ ଶୁଦ୍ଧ ରଙ୍ଗର ପୋଷାକ ପିନ୍ଧିବା ଠିକ୍ ହୋଇଥାଏ । ଭଗବାନ ବିଷ୍ଣୁ ଓ ମାତା ଲକ୍ଷ୍ମୀଙ୍କ ପ୍ରସାଦରେ ସର୍ବଦା ତୁଳସୀର ପ୍ରୟୋଗ କରାଯାଏ । ଏହି ଦିନ ମଧ୍ୟ ପ୍ରସାଦରେ ତୁଳସୀର ବ୍ୟବହାର କରିବା ଉଚିତ୍ ହେଇଥାଏ ।
ଏହା ସହ ଅକ୍ଷୟ ତୃତୀୟାରେ ମହିଳା ମାନେ ସ୍ଵଚ୍ଛ ମନରେ ତୁଳସୀ ମା'ଙ୍କ ପୂଜା କରିବା ଦ୍ଵାରା ଘରେ ଧନଧାନ୍ୟର ବୃଦ୍ଧି ଘଟିଥାଏ । ଏହି ସବୁ ଉପାୟକରିବା ଦ୍ଵାରା ଅକ୍ଷୟ ତୃତୀୟାରେ ଭଗବାନ ବିଷ୍ଣୁ ଓ ମା' ମହାଲକ୍ଷ୍ମୀଙ୍କ ଆଶୀର୍ବାଦ ମିଳିଥାଏ ।