ଅର୍ଗସ ବ୍ୟୁରୋ : ପାରିବାରିକ କଳହ ଯୋଗୁଁ ଦୁଇ ଜଣ ପିଲାଙ୍କୁ ଅପହରଣ କରିନେଲା ମଉସା । ସୋର ଥାନା କଲେଜଛକ ନିକଟରୁ ଦୁଇଜଣ ପିଲା ବିଦ୍ୟାଳୟକୁ ଆସିବା ସମୟରେ ଅପହରଣ କରାଯାଇଥିବା ନେଇ ସୋର ଥନାରେ ଲିଖିତ ଅଭିଯୋଗ ଜଣାଇବା ପରେ ସୋର ପୋଲିସ ପିଲା ଦୁଇ ଜଣଙ୍କୁ ଉଦ୍ଧାର କରି ପରିବାର ଲୋକଙ୍କୁ ହସ୍ତାନ୍ତର କରିଛି ।
ସୂଚନା ଅନୁସାରେ ସୋର ଥାନା ସରସଙ୍ଖ ଗ୍ରାମର ସାଗରିକା ସାମଲ ତାଙ୍କର ଦୁଇଟି ପିଲାଙ୍କୁ ନେଇ କଲେଜ ଛକ ନିକଟସ୍ଥ ଇଟୁଆ ସ୍କୁଲରେ ଛାଡିଥିଲେ । ମାତ୍ର ମଧ୍ୟାହ୍ନ ସମୟରେ ତାଙ୍କ ଭଉଣୀଙ୍କ ସ୍ୱାମୀ ବେଲଦା ଗ୍ରାମର ବଂଶୀଧର ମହାନ୍ତି କାହାକୁ କିଛି ନ କହି ପିଳାଦୁଇଜଣଙ୍କୁ ନେଇ କୁପାରି ନିକଟସ୍ଥ ଏକ ପେଟ୍ରୋଲ ପମ୍ପରେ ଛାଡିଥିଲେ ।
ଅଧିକ ପଢନ୍ତୁ ଓଡ଼ିଶା ଖବର
ସାଗରିକା ଏ ବାବଦରେ ଜାଣିବା ପରେ ତାଙ୍କ ପିଲାଙ୍କୁ ଅପହରଣ କରାଯାଇଥିବା ନେଇ ଥନାରେ ଅଭିଯୋଗ କରିବା ପରେ ପୋଲିସ ଏକ ମାମଲା ରୁଜୁ କରି ଘଟଣାର ତଦନ୍ତ ଆରମ୍ଭ କରିବା ସହିତ ବଂଶୀଧରକୁ ଥନାରେ ଅଟକ ରଖି ପଚରାଉଚରା କରିଥିଲା । ପରେ ସେ ପିଲା ଦୁଇ ଜଣଙ୍କୁ ରାଗରେ ଅପହରଣ କରି କୁପାରି ନିକଟସ୍ଥ ଏକ ପେଟ୍ରୋଲ ପମ୍ପରେ ଛାଡିଥିବା କହିଥିଲେ । ପରେ ପୋଲିସ ଉକ୍ତ ପେଟ୍ରୋଲ ପମ୍ପ ନିକଟରୁ ପିଲା ଦୁଇ ଜଣଙ୍କୁ ଉଦ୍ଧାର କରି ପରିବାର ଲୋକଙ୍କୁ ହସ୍ତାନ୍ତର କରିବା ସହିତ ବଂଶୀଧରକୁ କୋଟ ଚାଲାଣ କରିଛି ।