ମୟୂରଭଞ୍ଜ: ଆକାଶରୁ ହେଉଛି ଅଗ୍ନି ବୃଷ୍ଟି । ଉତ୍ତପ୍ତ ତାପମାତ୍ରା ଯୋଗୁଁ ଜନଜୀବନ ଅସ୍ତବ୍ୟସ୍ତ ହୋଇପଡ଼ିଛି । ଚଳିତ ବର୍ଷ ଗ୍ରୀଷ୍ମ ପ୍ରବାହ ରେକର୍ଡ ସୃଷ୍ଟି କରି ପୁଣି ରାଜ୍ୟର ସବୁଠୁ ଉତ୍ତପ୍ତ ସହର ପାଲଟିଛି ବାରିପଦା । ଆଞ୍ଚଳିକ ପାଣିପାଗ କେନ୍ଦ୍ର ଭୁବନେଶ୍ଵରର ତଥ୍ୟ ମୁତାବକ ସୋମବାର ବାରିପଦାର ତାପମାତ୍ରା ୪୧.୪ ଡିଗ୍ରୀ ସେଲସିୟସ ହୋଇଛି । ଗତକାଲି ଅପେକ୍ଷା ଆଜି ତାପମାତ୍ରା ରେ ୩.୩ ଡିଗ୍ରୀ ବୃଦ୍ଧି ଘଟି ଆଜି ରାଜ୍ୟର ସର୍ବାଧିକ ଉତ୍ତପ୍ତ ସହର ଭାବରେ ରେକର୍ଡ଼ କରିଛି । ତେବେ କିଛି ଦିନ ପୂର୍ବରୁ ପାଗ ମେଘୁଆ ଥିବାବେଳେ ହଠାତ୍ ପାରଦ ବୃଦ୍ଧି ଯୋଗୁଁ ଜନଜୀବନ ଅସ୍ତବ୍ୟସ୍ତ ହୋଇପଡିଛି ।