କଟକ: ଜମୁଛି ବାଲିଯାତ୍ରା । ଦିନଠୁ ରାତି ସବୁବେଳେ ବାଲିଯାତ୍ରା ଦେଖିବାକୁ ଲୋକଙ୍କର ଲାଗୁଛି ଲମ୍ବା ଲାଇନ୍ । ବିଭିନ୍ନ ପ୍ରକାରର ଜିନିଷ କିଣିବା ସହ ଦୋଳିର ମଜା ନେଉଛନ୍ତି ଲୋକେ । ଯୁଆଡେ ଆଖି ବୁଲାଇବ ମନୋରଞ୍ଜନର ଖୋରାଗ । ହେଲେ ଏହାରି ଭିତରେ ବାଲିଯାତ୍ରାରେ ଦେଖିବାକୁ ମିଳିଛି ଭୂତ୍ ।
ଆଜ୍ଞା ହଁ ବାଲିଯାତ୍ରାରେ ଭୂତ । ଲୋକେ ହେଉଛନ୍ତି ହଇରାଣ । ବିକଟାଳ ରଡି ସାଙ୍ଗକୁ ବଡ଼ ବଡ଼ ନଖ । ପୋଡା ମୁହଁ ସାଙ୍ଗକୁ ଅନ୍ଧାର ମଧ୍ୟରେ କରୁଛନ୍ତି ଲୋକଙ୍କୁ ହଇରାଣ ହରକତ । ତେବେ ଏହାର ବାସ୍ତବତା ହେଉଛି କଟକ ବାଲିଯାତ୍ରା ପଡିଆରେ ଏକ ଷ୍ଟଲ୍ ଯାହାର ନାଁ ଭୂତବଙ୍ଗଳା । ଯେଉଁଠି ଭୂତମାନଙ୍କର ଚାଲିଛି ରାଜ୍ ।
ଥରେ ସେହି ଷ୍ଟଲ୍ କୁ ପଶିଲେ ଡରିବା ଥୟ । ତେବେ ଏହାକୁ ନେଇ ଭୟରେ ଦେଖେଣାହାରି । ମଜା ସହ ଭୟ ମଧ୍ୟ ଲାଗୁଥିବା କହିଛନ୍ତି ଦର୍ଶକ । ତେବେ 30 ବର୍ଷ ଧରି ଏହି ଭୂତ ବଙ୍ଗଳା ଷ୍ଟଲ ବାଲିଯାତ୍ରାରେ ପଡି ଆସୁଛି । ଚଳିତବର୍ଷ ବ୍ୟାପର ସାମାନ୍ୟ ମାନ୍ଦା ରହିଥିଲାବେଳେ ଆଉ ଦୁଇ ଦିନ ବାଲିଯାତ୍ରା ରେ ନିଶ୍ଚୟ କିଛି ବ୍ୟବସାୟ ହେବ ବୋଲି ଆଶା ରଖିଛନ୍ତି ବ୍ୟବସାୟୀ ।
ଜମୁଛି କଟକ ବାଲିଯାତ୍ରା : ତୁର୍କୀ ଆଇସ୍କ୍ରିମ୍ ମଜା ନେଉଛନ୍ତି ଗ୍ରାହକ