ଅର୍ଗସ ବ୍ୟୁରୋ : ବିଜେଡି ନେତାଙ୍କ ବାବୁ ଠାଣି । ନେତାଙ୍କ ପଛେ ପଛେ ବଡ ଅଫିସର । ଯାଜପୁର ବସ ଦୁର୍ଘଟଣାରେ ଆହତ ବ୍ୟକ୍ତିଙ୍କୁ ଭେଟିବାକୁ ଆଜି ଏସ ସି ବି ମେଡିକାଲ ଯାଇଥିଲେ ବିଜେଡି ନେତା ତଥା ୫ ଟି ଅଧ୍ୟକ୍ଷ ଭି.କେ ପାଣ୍ଡିଆନ । ପାଣ୍ଡିଆନଙ୍କ ପଛେ ପଛେ ଥିଲେ ପରିବହନ କମିଶନର ଅମିତାଭ ଠାକୁର, ଯାଜପୁର ଏସପି ଭିନିତ ଅଗ୍ରଓ୍ବାଲ, କଟକ ଏସ ସି ବି ର ଜଣେ ଡାକ୍ତର ଓ କଟକ ଚୌଦ୍ବାର ବିଜେଡି ବିଧାୟକ ପ୍ରାର୍ଥୀ ସୌଭିକ ବିଶ୍ବାଳ । ରାଜ୍ୟରେ ନିର୍ବାଚନ ଆଚରଣବିଧି ଲାଗୁ ବେଳେ ବିଜେଡି ନେତା ଙ୍କ ସହ ଅଫିସରଙ୍କ ଉପସ୍ଥିତିକୁ ନେଇ ଏବେ ସାଧାରଣରେ ପ୍ରଶ୍ନ ଉଠିଛି ।
ଅଧିକ ପଢନ୍ତୁ ଓଡ଼ିଶା ଖବର
ସେପଟେ ପାଣ୍ଡିଆନ ଆଦର୍ଶ ନିର୍ବାଚନ ଆଚରଣ ବିଧିର ଉଲଙ୍ଘନ କରିଥିବା ଅଭିଯୋଗ ଆଣି CEOଙ୍କୁ ଫେରାଦ ହୋଇଛି ବିଜେପି । ପାଣ୍ଡିଆନଙ୍କ ପାଇଁ କଟକ ଏସସିବିରେ କମିଶନରେଟ ପୋଲିସ ସ୍ବତନ୍ତ୍ର ବ୍ୟବସ୍ଥା କରିଥିବା ଅଭିଯୋଗ ଆଣିବା ସହ ତାଙ୍କ ବିରୋଧରେ କାର୍ଯ୍ୟାନୁଷ୍ଠାନ ପାଇଁ ଦାବf କରିଛି ଦଳ । ନେତା ପାଣ୍ଡିଆନ୍ ଙ୍କ ସଙ୍ଗେ କାହିଁକି ଗଲେ ବାବୁ ? କାହିଁକି ବିଜେଡି ନେତାଙ୍କୁ ଏମିତି ସୁରକ୍ଷା ଦିଆଯାଇଛି ? କଣ ପାଇଁ ଏତେ ଆତିଥ୍ୟ ? ଆଉ ଏହା ଉପରେ ନିର୍ବାଚନ କମିଶନଙ୍କ ନଜର ପଡିବ ତ ?