ଅର୍ଗସ ବ୍ୟୁରୋ:ସୁନିତାଙ୍କ ବିନା ପୃଥିବୀକୁ ଫେରିଲା ଷ୍ଟାର ଲାଇନର୍।ତିନିମାସ ଧରି ମହାକାଶରେ ଅଟକି ରହିଥିବା ଷ୍ଟାରଲାଇନର୍ କୌଣସି କ୍ରୁ ସଦସ୍ୟଙ୍କ ବିନା ସ୍ପେସ୍ ଷ୍ଟେସନ ଛାଡି ସୁରକ୍ଷିତ ଭାବେ ପୃଥିବୀ ଫେରିଛି। ପ୍ରାୟ ୬ ଘଣ୍ଟା ଯାତ୍ରା ପରେ ଷ୍ଟାରଲାଇନର୍ ଆମେରିକାର ନ୍ୟୁ ମେକ୍ସିକୋ ଅଞ୍ଚଳରେ ନିରାପଦ ଭାବେ ଲ୍ୟାଣ୍ଡି କରିଛି। ଶୁକ୍ରବାର ଦିନ ଆମେରିକାର ସମୟ ସନ୍ଧ୍ୟା ୬ଟା ୦୪ରେ ଷ୍ଟାରଲାଇନର୍ ସଫଳତାର ସହିତ ସ୍ପେସ୍ ଷ୍ଟେସନ୍ ଛାଡିଥିଲେ । ରାତି ୧୧ଟା ୧୭ରେ ଏହା ପୃଥିବୀର ବାୟୁମଣ୍ଡଳରେ ପ୍ରବେଶ କରିଥିଲା। ଜୁନ୍ ୫ରେ ମହାକାଶକୁ ଯାଇଥିଲେ ସୁନିତା ଏବଂ ତାଙ୍କ ସାଥି । ତାଙ୍କ ମହାକାଶର ମିଶନ ରହିଥିଲା ୮ ଦିନ। ବୋଇଙ୍ଗ ଷ୍ଟାରଲିନରେ ଯାନ୍ତ୍ରିକ ତ୍ରୁଟି କାରଣରୁ ଏମାନଙ୍କୁ ଫେରାଇ ଆଣିବାରେ ଅସଫଳ ହୋଇଥିଲା ଫଳରେ ମହାକାଶରେ ଫସିରହିଥିଲେ ସୁନୀତା । ବର୍ତ୍ତମାନ ସୁନୀତା ଏବଂ ତାଙ୍କ ସାଥିଙ୍କୁ ନଆଣି ପ୍ରଥମେ ଷ୍ଟାରଲାଇନର ପୃଥିବୀକୁ ଫେରିଛି।
ମହାକାଶ ଯାନରେ ହିଲିୟମ ଲିକ ହେବା ଫଳରେ ଉଭୟ ମହାକାଶଚାରୀଙ୍କ ପ୍ରତ୍ୟାବର୍ତ୍ତନକୁ ସ୍ଥଗିତ କରାଯାଇଥିଲା । ତ୍ରୁଟି ସୁଧାରିବାକୁ ଅନେକ ଚେଷ୍ଚା କରାଯାଇଥିଲେ ମଧ୍ୟ ଶେଷରେ ତାହା ହୋଇପାରିନଥିଲା ସୁନୀତାଙ୍କ ସୁରକ୍ଷାକୁ ଦୃଷ୍ଟିରେ ରଖି ରିକ୍ସ ନେଇନଥିଲା ନାସା।ସୁନୀତା ୱିଲିୟମ୍ସ ଏବଂ ବୁରି ୱିଲମୋରଙ୍କୁ ସ୍ପେସ୍ ଷ୍ଟେସନରେ ପାଞ୍ଚରୁ ଛଅ ମାସ ବିତାଇବାକୁ ପଡିବ।
ସୁନୀତା ଏବଂ ୱିଲମୋର ୨୦୨୫ରେ ଏଲନ୍ ମସ୍କଙ୍କ ସ୍ପେସଏକ୍ସ କ୍ରିଉ-୯ ଯାନ ଯୋଗେ ପୃଥିବାକୁ ଫେରାଇ ଆଣାଯାଇଥିବା ଯୋଜନା କରାଯାଇଥିବା କହିଛନ୍ତି ନାସା ମୁଖ୍ୟ। ସୁନୀତା ସୁରକ୍ଷିତ ଭାବେ ପୃଥିବୀରୁ ଫେରିଆସନ୍ତୁ ବୋଲି ଆଶା ରଖିଛନ୍ତି ବିଶ୍ବବାସୀ