ଅର୍ଗସ ବ୍ୟୁରୋ : ମହାରାଷ୍ଟ୍ର ଡୋମ୍ବିବଲୀରେ ବଡ଼ ଧରଣର ବିସ୍ଫୋରଣ । ଠାଣେ ଜିଲ୍ଲାର ଆମୁଦାନ କେମିକାଲ ଫ୍ୟାକ୍ଟ୍ରୀରେ ବିସ୍ଫୋରଣ ଘଟିବା ଫଳରେ ୭ ଜଣଙ୍କ ମୃତ୍ୟୁ ହେବା ସହ ୪୮ରୁ ଅଧିକ ଆହତ ହୋଇଛନ୍ତି । ଆଜି ଦିନ ପ୍ରାୟ ଗୋଟାଏରେ କେମିକାଲ ଫ୍ୟାକ୍ଟ୍ରୀରେ ବିସ୍ଫୋରଣ ପରେ ନିଆଁ ଲାଗିଯାଇଥିଲା ।
ପାଖରେ ଥିବା କାର ଶୋ'ରୁମ ସମେତ ୩ଟି ବିଲ୍ଡିଂରେ ମଧ୍ୟ ନିଆଁ ଲାଗି ଯାଇଥିଲା । କାର୍ ଶୋ’ରୁମ୍ରେ ଥିବା ୧୨ରୁ ଅଧିକ ଗାଡ଼ି ପୋଡ଼ି ଯାଇଛି । ବିସ୍ଫୋରଣର ତୀବ୍ରତା ଏତେ ଅଧିକ ଥିଲା ଯେ ଆଖପାଖ ଅଞ୍ଚଳରେ ଥିବା କିଛି ଘରର କାଚ ଝରକା ମଧ୍ୟ ଭାଙ୍ଗି ଯାଇଛି ।
ଅଧିକ ପଢନ୍ତୁ ଭାରତ ଖବର
୧୫ ଟି ଦମକଳ ବାହିନୀ ପ୍ରାୟ ୩ ଘଣ୍ଟା ପରିଶ୍ରମ କରି ନିଆଁକୁ ଆୟତ କରିଥିଲେ । ଏବେବି ଫ୍ୟାକ୍ଟ୍ରୀରେ ଅନେକ ଲୋକ ଫସି ରହିଥିବା ଅନୁମାନ କରାଯାଉଛି । ମୃତକଙ୍କ ସଂଖ୍ୟା ବଢ଼ିବା ଆଶଙ୍କା ରହିଛି । ମାମଲାର ତଦନ୍ତ ଜାରି ରହିଛି । ଦୋଷୀଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ନିର୍ଦ୍ଦେଶ ଦେଇଛନ୍ତି ମହାରାଷ୍ଟ୍ର ମୁଖ୍ୟମନ୍ତ୍ରୀ ।