ପୁରୀ: ରଥଯାତ୍ରା ପାଇଁ ୨ ଦିନ ଛୁଟି ଘୋଷଣା କଲେ ମୁଖ୍ୟମନ୍ତ୍ରୀ । ରଥଯାତ୍ରା ୨ ଦିନ ପର୍ଯ୍ୟନ୍ତ ଚାଲିବାକୁ ଥିବାରୁ ଛୁଟି ଘୋଷଣା କରାଯାଇଛି । ପୁରୀରେ ସମୀକ୍ଷା ବୈଠକରେ ଏହି ଘୋଷଣା କରିଛନ୍ତି ମୁଖ୍ୟମନ୍ତ୍ରୀ ମୋହନ ମାଝୀ । ଛୁଟି ନେଇ ବିଧିବଦ୍ଧ ବିଜ୍ଞପ୍ତି ପ୍ରକାଶ କରିବାକୁ ଅଧିକାରୀଙ୍କୁ ନିର୍ଦ୍ଦେଶ ଦେଇଛନ୍ତି ମୁଖ୍ୟମନ୍ତ୍ରୀ ।
ରଥଯାତ୍ରା ପାଇଁ ରାଜ୍ୟ ସରକାରଙ୍କ ଆକ୍ସନ ପ୍ଲାନ ପ୍ରସ୍ତୁତ ହୋଇଛି । ପୁରୀ ମୁଖ୍ୟ ଚିକିତ୍ସାଳୟରେ ୧୦୦ ହିଟ୍ ଷ୍ଟ୍ରୋକ ୟୁନିଟ ପାଇଁ ବ୍ୟବସ୍ଥା କରାଯିବ । ସରକାରୀ ଓ ସେବା ମନୋଭାବ ନେଇ ଆସୁଥିବା ଅତିରିକ୍ତ ୧୭୯ ଡାକ୍ତରଙ୍କୁ ଦାୟିତ୍ଵ ଦିଆଯିବ ।୨ ଅତ୍ୟାଧୁନିକ ଏଏଲଏସ ଆମ୍ବୁଲାନ୍ସ ସହିତ ମହଜୁଦ ରହିବ ସରକାରଙ୍କ ତରଫରୁ ୩୦ ଆମ୍ବୁଲାନ୍ସ ଓ ଏନ୍ ଜିଓ ଯୋଗାଇ ଦେବେ ଅନ୍ୟ ୩୦ ଗୋଟି ଆମ୍ବୁଲାନ୍ସ ।
ସରକାରଙ୍କ ପକ୍ଷରୁ ୩୫ ଟି ପ୍ରାଥମିକ ଚିକିତ୍ସା କେନ୍ଦ୍ର ପ୍ରସ୍ତୁତ ରହିବା ସହିତ ଏନ୍ ଜି ଓ ତରଫରୁ ୨୫ଟି ପ୍ରାଥମିକ ଚିକିତ୍ସା କେନ୍ଦ୍ର ପ୍ରସ୍ତୁତ ରହିବ । ସେହିଭଳି ୭ ଟି ଫୁଡ୍ ସେଫଟି ଯାଞ୍ଚ ଟିମ୍ ପୁରୀରେ ମହଜୁଦ ରହିବେ ।୨୦୦ ୟୁନିଟ୍ ରକ୍ତ, ରକ୍ତଭଣ୍ଡାରରେ ମହଜୁଦ ରହିବ । ୪୨ଟି ଅତିରିକ୍ତ ପାଣି ଟାଙ୍କି ମହଜୁଦ ରହିବା ସହ ୨୦ ଲକ୍ଷ ପାଣି ବୋତଲ ଭକ୍ତଙ୍କୁ ବଣ୍ଟନ ପାଇଁ ରଖାଯାଇଛି ।
ଦଶମୂଳ ସେବନ ପରେ ସମ୍ପୂର୍ଣ୍ଣ ସୁସ୍ଥ ହେବେ ମହାପ୍ରଭୁ
ବିଭିନ୍ନ ସ୍ଥାନରେ ଥିବା ୧୬୫ ଡ୍ରିଙ୍କ ଫ୍ରମ୍ ଟ୍ୟାପ୍ କୁ ଫର୍ମେସନ କରିବା ପାଇଁ ନିଆଯାଇଛି ନିଷ୍ପତ୍ତି । ଭିଡକୁ ଦୃଷ୍ଟିରେ ରଖି ଭକ୍ତଙ୍କୁ ଜଳ ସିଞ୍ଚନ ପାଇଁ ୩୦ ଟି ହ୍ୟାଣ୍ଡ ସ୍ପ୍ରେ ୟୁନିଟ୍ ମହଜୁଦ ରହିବ । ସେହିଭଳି ବଡ ଦାଣ୍ଡରେ କୌଣସି ଚାର୍ଜ ଲିକ୍ ନହେବା ପାଇଁ ଟି ପିସିଓଡିଏଲ ତରଫରୁ ସ୍ବତନ୍ତ୍ର ବ୍ୟବସ୍ଥା କରାଯାଇଛି । ୧୮ ଟି ପାର୍କିଂ ପ୍ଲେସ୍ କୁ ଚିହ୍ନଟ କରାଯାଇଛି । ରେଳ ବିଭାଗ ପକ୍ଷରୁ ୩୧୫ ସ୍ବତନ୍ତ୍ର ଟ୍ରେନ, ୩୫ ଟି ଟିକେଟ କାଉଣ୍ଟର ଓ ୫ ଟି ସୂଚନା କାଉଣ୍ଟର ବ୍ୟବସ୍ଥା କରାଯାଇଛି ।