ସମ୍ବଲପୁର: ରେଢ଼ାଖୋଲ ଥାନା ବିରଚନ୍ଦ୍ରପୁର ଗ୍ରାମରେ ଅଭାବନୀୟ ଘଟଣା । ଆଜି ସକାଳେ ଭାଲୁ ଆକ୍ରମଣରେ ଜଣେ +3 କଲେଜ ଛାତ୍ରୀ ଗୁରୁତର ହୋଇଥିବା ଜଣାପଡିଛି । କଲେଜ ଛାତ୍ରୀ ସୁନିତା ମୁଣ୍ଡା ସକାଳେ ଶୌଚ ହେବା ପାଇଁ ଘର ପଛ ପଡିଆକୁ ଯାଇଥିବା ବେଳେ ଅତର୍କିତ ଭାବେ ଭାଲୁ ଆକ୍ରମଣ କରିଥିଲା । ସୁନିତା ମୁଣ୍ଡାଙ୍କ ଚିତ୍କାର ଶୁଣି ପାଖରେ ଥିବା ପରିବାର ଲୋକେ ଦୌଡିଥିଲେ ।
ପରିବାର ଲୋକଙ୍କୁ ଦେଖି ଘଟଣା ସ୍ଥଳରୁ ଭାଲୁ ପଳାଇଥିବାବେଳେ ଝିଅକୁ ଉଦ୍ଧାର କରି ରେଢ଼ାଖୋଲ ମେଡିକାଲରେ ଭର୍ତ୍ତି କଲେ ପରିବାର ଲୋକେ । ସୁନିତା ମୁଣ୍ଡାଙ୍କ ବାମ ଆଖିରେ ଆଘାତ ଲାଗିବା ସହ ତାଙ୍କ ନାକଟି ଛିଣ୍ଡି ଯାଇଥିବା ଜଣାପଡିଛି । ଅତି ଗୁରୁତର ହେବାରୁ ବୁର୍ଲା ମେଡିକାଲକୁ ସ୍ଥାନାନ୍ତରିତ କରାଯାଇଛି । ଘଟଣାସ୍ଥଳରେ ବନବିଭାଗ ପହଂଚି ଘଟଣାର ତଦନ୍ତ କରୁଥିବା ବନ ବିଭାଗ ପକ୍ଷରୁ ସୂଚନା ମିଳିଛି ।