ଅର୍ଗସ ବ୍ୟୁରୋ : ସିତୁଆ ସନ୍ଧ୍ୟାରେ ଜମୁଛି ଐତିହାସିକ ବାଲିଯାତ୍ରା । ଲୋକେ ସିତୁଆ ସନ୍ଧ୍ୟାରେ କିଣାକିଣି କରିବା ସହ କରୁଛନ୍ତି ମଜାମସ୍ତି । ବିଭିନ୍ନ ଖାଦ୍ୟର ବି ନେଉଛନ୍ତି ମଜା । କିଣାକିଣି ବା ଖାଇବା ସାରିବା ପରେ ଲୋକେ ପେମେଣ୍ଟ କରିବାରେ ହେଉଛନ୍ତି ଅସୁବିଧା । କାରଣ ବାଲିଯାତ୍ରାରେ କାମ କରୁନି ମୋବାଇଲ ନେଟୱାର୍କ । ଯାହା ନାନା ଅସୁବିଧାର ସମ୍ମୁଖୀନ ହେଉଛନ୍ତି ଦର୍ଶକ ।
ତେବେ ବାଲିଯାତ୍ରାରେ ଫେଲ ମାରିଛି ମୋବାଇଲ ନେଟୱର୍କ । ଇଣ୍ଟରନେଟ ତ ଦୂରର କଥା ମୋବାଇଲ ଫୋନରେ କଥା ମଧ୍ୟ ସମ୍ଭବ ହୋଇପାରୁନି । ଅନ୍ୟପକ୍ଷରେ ବାଲିଯାତ୍ରା ଭିଡ଼କୁ ଦୃଷ୍ଟିରେ ରଖି ସୁରକ୍ଷା କାରଣରୁ ସାଙ୍ଗରେ ଅଧିକ ପଇସା ନ ଆଣି ଅନଲାଇନ୍ ପେମେଣ୍ଟ କରିବାକୁ କମିଶନରେଟ୍ ପୋଲିସ୍ ଲୋକଙ୍କୁ ସଚେତନ କରିଛି । ହେଲେ ମୋବାଇଲାକୁ ନେଟୱର୍କ ଆସୁନଥିବାରୁ ଅସୁବିଧାର ସମ୍ମୁଖୀନ ହେଉଛନ୍ତି ଦର୍ଶକ ।
ବାଲିଯାତ୍ରାରେ ଲକ୍ଷାଧିକ ଲୋକଙ୍କ ସମାବେଶ ହେଉଥିବା ବେଳେ ମୋବାଇଲ ନେଟୱର୍କ କାମ କରୁ ନଥିବାରୁ ବିଭିନ୍ନ ଅସୁବିଧାରେ ପଡ଼ୁଛନ୍ତି ଦର୍ଶକ । ଏପରିକି ୟୁପିଆଇ ପେମେଣ୍ଟ ପାଇଁ ସ୍କାନର ମେସିନ୍ ଅଛି, ହେଲେ ଇଣ୍ଟରନେଟ ନ ଥିବାରୁ ମୋବାଇଲ୍ ପେମେଣ୍ଟ କରିପାରୁ ନାହାନ୍ତି ଲୋକେ । ବାଧ୍ୟ ହୋଇ ଜିନିଷ କିଣି ନପାରି ଫେରି ଯାଉଛନ୍ତି ଦର୍ଶକ । ସେହିପରି ନେଟୱର୍କ ଆସୁ ନ ଥିବାରୁ ମୋବାଇଲ୍ ଫୋନରେ କଥା ହୋଇପାରୁନଥିବାରୁ ବହୁ ଦର୍ଶକ ଅସନ୍ତୋଷ ବ୍ୟକ୍ତ କରିଛନ୍ତି ।