ସୁବର୍ଣ୍ଣପୁର:  ଆଜି କ୍ରିକେଟ ବିଶ୍ୱକପର ଫାଇନାଲ ମ୍ୟାଚ୍ । ଏହି ମହାସମରରେ ଭାରତ ତାର ବିଜୟ ଧାରା ବଜାୟ ରଖିଥିବାବେଳେ ଆଜି ଫାଇନାଲରେ ମୁହାଁ ମୁହିଁ ହେବେ ୫ ଥର ବିଜୟୀ ହୋଇଥିବା ଅଷ୍ଟ୍ରେଲିଆ ଦଳ ସହିତ । ତେବେ ଟିମ୍ ଭାରତକୁ ବିଜୟୀ କରିବା ପାଇଁ ବିଭିନ୍ନ ସ୍ଥାନରେ ପୂଜାର୍ଚ୍ଚନା କରାଯାଉଛି । ସେହିପରି ଆଜି ସୁବର୍ଣ୍ଣପୁରର ଇଷ୍ଟଦେବୀ ମା' ସୁରେଶ୍ଵରୀ ମନ୍ଦିରରେ ଦୀପ ଦାନ କରିଛନ୍ତି । ସୁବର୍ଣ୍ଣପୁରର କ୍ରିକେଟ ପ୍ରେମିମାନେ ଏକତ୍ରିତ ହୋଇ ମାଁ ଙ୍କ ଠାରେ ଦୀପ ଦାନ କରିବା ସହିତ ଇଣ୍ଡିଆ ଦଳକୁ ଶୁଭେଚ୍ଛା ଜଣାଇଛନ୍ତି । ତା ସହ ସବୁ କ୍ଷେତ୍ରରେ ଦଳ ସୁଦୃଢ ରହିଥିବାରୁ ବିଜୟ ସୁନିଶ୍ଚିତ ବୋଲି ଆଶାବାଦୀ ଅଛନ୍ତି ।

ଅହମ୍ମଦାବାଦ ନରେନ୍ଦ୍ର ମୋଦି ଷ୍ଟାଡିୟମରେ ଖେଳାଯିବ ଭାରତ-ଅଷ୍ଟ୍ରେଲିଆ ଫାଇନାଲ ମୁକାବିଲା । ଆଉ କିଛି ସମୟ ପରେ ଟସ୍ ପଡିବ । ତେବେ ମ୍ୟାଚ୍ ଦେଖିବା ପାଇଁ ଷ୍ଟାଡିୟମ ଆଗରେ ଜମିଲାଣି ଭିଡ । କ୍ରିଡାପ୍ରେମୀଙ୍କୁ ନେଇ ମୁମ୍ବାଇରୁ ଅହମ୍ମଦାବାଦ ଯାଇଛି ବନ୍ଦେ ଭାରତ ସ୍ୱତନ୍ତ୍ର ଟ୍ରେନ୍ । ଟିମ୍ ଇଣ୍ଡିଆର ଜର୍ସି ପିନ୍ଧି ଦର୍ଶକମାନେ ଟ୍ରେନରେ ଅହମ୍ମଦାବାଦ ଯାତ୍ରା କରିଛନ୍ତି । ଷ୍ଟାଡିୟମ ବାହାରେ ଫ୍ୟାନ୍ସଙ୍କ ଭିଡ ଜମିଲାଣି । 

ଆଜି ବିଶ୍ଵକପ୍ ଫାଇନାଲ୍, ଭାରତର ବିଜୟ କାମନା କଲେ ଧର୍ମେନ୍ଦ୍ର ପ୍ରଧାନ