ବ୍ରହ୍ମପୁର: ବ୍ରହ୍ମପୁରରେ ବିଜୟ ସଂକଳ୍ପ ସମାବେଶରେ ସମିଲ ହେଲେ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ । ଆମ୍ବପୁଆ ସ୍ଥିତ ବିବେକ ବିହାର ପଡ଼ିଆରେ ଆୟୋଜିତ ହୋଇଛି ବିଜୟ ସଂକଳ୍ପ ସମାବେଶ । ଏହାପୂର୍ବରୁ ଆଜି ନବରଙ୍ଗପୁରରେ ଲୋକସଭା ଓ ବିଧାନସଭାସ୍ତରୀୟ ନିର୍ବାଚନୀ ବୈଠକରେ ସାମିଲ୍ ହୋଇଥିଲେ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ । କର୍ମୀଙ୍କୁ ସମ୍ବୋଧିତ କରି ସେ କହିଥିଲେ ଓଡ଼ିଶାରେ ଦରକାର ଡବଲ୍ ଇଞ୍ଜିନ୍ ସରକାର ।
କଂଗ୍ରେସ ଶାସନ ବେଳେ ଭାରତ ସୁରକ୍ଷା ଯାତ୍ରା ଆରମ୍ଭ କରିଥିଲୁ । ଆଜି ଆତଙ୍କବାଦ ସ୍ଥିତି କେଉଁଠି ଅଛି ସମସ୍ତେ ଜାଣିଛନ୍ତି । ଆତଙ୍କବାଦ ବଢ଼ିଥିଲା, ଦେଶ ଅସୁରକ୍ଷିତ ଥିଲା, ଆମର ସଂଗ୍ରାମ ଜାରି ରହିଥିଲା । ନରେନ୍ଦ୍ର ମୋଦି ପ୍ରଧାନମନ୍ତ୍ରୀ ହେବା ପରେ ଦେଶର ଚିତ୍ର ବଦଳିଛି । ବିଜେପି ଏକମାତ୍ର ଦଳ ଯାହା କହେ, ତାହା କରି ଦେଖାଏ ବୋଲି ଦୃଢୋକ୍ତି ପ୍ରକାଶ କରିଛନ୍ତି ରାଜନାଥ ।
ବିଜେପିର ସ୍ପଷ୍ଟବାଦିତା ଉପରେ ଜୋର ଦେଇଥିଲେ ରାଜନାଥ । ମୋଦିଙ୍କ ବାର୍ତ୍ତା ନେଇ ହିତାଧିକାରୀଙ୍କ ପାଖକୁ ଯାଆନ୍ତୁ । ଦେଶର 2 କୋଟିରୁ ଅଧିକ ଲକ୍ଷପତି ଦିଦି ବନିସାରିଲେଣି । ଓଡ଼ିଶା ସହ ମୋର ଭାବନାତ୍ମକ ସଂପର୍କ ରହିଥିବା କହିଥିଲେ ରାଜନାଥ । ନବରଙ୍ଗପୁର, ବ୍ରହ୍ମପୁର ପରେ ଅପରାହ୍ନ 4ଟାରେ ବାରିପଦା ଛଉ ପଡ଼ିଆଠାରେ ଅନୁଷ୍ଠିତ ଦଳୀୟ କର୍ମୀ ସମ୍ମିଳନୀ ଓ ଜନସଭାରେ ଯୋଗଦେବେ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ ।
ଆହୁରି ପଢନ୍ତୁ ଓଡିଶା ଖବର...