ଅର୍ଗସ ବ୍ୟୁରୋ : ଢ଼େଙ୍କାନାଳ ପାଇଁ ଆସିଲା ଖୁସି ଖବର । ମଗଜିକୁ ମିଳିଲା ଜିଆଇ ଟ୍ୟାଗ । ୨୦୨୦ ମସିହାରେ ଢ଼େଙ୍କାନାଳ ସୁଇଟ ଆସୋସିଏସନ୍ ପକ୍ଷରୁ ଆବେଦନ କରାଯାଇଥିଲା । ଓୟୁଏଟି ଏନେଇ ଯଥା ସହାୟତା ପ୍ରଦାନ କରିଥିଲା । ମଇଁଷି କ୍ଷୀରରେ ତିଆରି ମିଠା ହେଉଛି ମଗଜି । ଯାହାର ସାରା ଓଡ଼ିଶାରେ ଏହାର ବେଶ ଚାହିହା ରହିଛି ।
ସେହିଭଳି ଓଡ଼ିଶାର ୮ ଉତ୍ପାଦକୁ ମଧ୍ୟ ମିଳିଲା ଜିଆଇ ଟ୍ୟାଗ୍ । ଜିଆଇ ଟ୍ୟାଗ୍ ମିଳିବା ନେଇ Xରେ ସୂଚନା ଦେଲା ରାଜ୍ୟ କ୍ଷୁଦ୍ର ଓ ମଧ୍ୟମ ଶିଳ୍ପ ବିଭାଗ । ଖଜୁରୀ ଗୁଡ଼, ଢେଙ୍କାନାଳ ମଗଜି, ମୟୂରଭଂଜ କାଇ ଚଟଣୀକୁ ମାନ୍ୟତା । ନୟାଗଡ଼ କଣ୍ଟେଇମୁଣ୍ଡି ବାଇଗଣ, ଡଙ୍ଗରିଆ କନ୍ଧ ଏମ୍ବ୍ରୋଡରୀ ସାଲ୍କୁ ମାନ୍ୟତା ମିଳିଛି । କେନ୍ଦ୍ରାପଡ଼ା ରସାବଳି, କୋରାପୁଟ କଳାଜିରା ଧାନକୁ ଜିଆଇ ଟ୍ୟାଗ୍ । ଲାଞ୍ଜିଆ ସୌରା ଚିତ୍ରକଳାକୁ ବି ମିଳିଲା ଜିଆଇ ଟ୍ୟାଗ୍ ମାନ୍ୟତା ମିଳିଛି ।
ଅଧିକ ପଢନ୍ତୁ ଓଡ଼ିଶା ଖବର
ସବୁଠୁ ବଡ଼ କଥା ହେଉଛି ନୟାଗଡ଼ କଣ୍ଟେଇମୁଣ୍ଡି ବାଇଗଣକୁ ମିଳିଲା ଜିଆଇ ଟ୍ୟାଗ ରେଜିଷ୍ଟ୍ରେସନ୍ । ଚେନ୍ନାଇ ଠାରେ ଥିବା କେନ୍ଦ୍ରସରକାରଙ୍କ ଜିଓଗ୍ରାଫିକାଲ ଇଣ୍ଡିକେସନ୍ ରେଜେଷ୍ଟ୍ରି ପକ୍ଷରୁ ଆଜି ବଧିବଦ୍ଧ ଭାବେ ମାନ୍ୟତା ପ୍ରଦାନ କରାଯାଇଛି । କଣ୍ଟେଇମୁଣ୍ଡି ବାଇଗଣକୁ ଜିଆଇ ଟ୍ୟାଗ ମାନ୍ୟତା ପାଇଁ କୃଷି ବିଜ୍ଞାନ କେନ୍ଦ୍ର ପକ୍ଷରୁ ୩ ବର୍ଷ ତଳେ ପ୍ରୟାସ ଆରମ୍ଭ ହୋଇଥିଲା ।