ସୁନ୍ଦରଗଡ଼ : ସୁନ୍ଦରଗଡ଼ ଜିଲ୍ଲା ବଣାଇ ରେଞ୍ଜର ବାବୁନୁଆଗାଁ, ଗୁଡ଼ିଆଳୀ ଅଞ୍ଚଳରେ ମଧ୍ୟ ରାତ୍ରିରେ ଗୋଟିକିଆ ଦନ୍ତାହାତୀ କିଛିଦିନ ହେଲାଣି ବିଭିନ୍ନ ଗ୍ରାମରେ ଲୋକଙ୍କ ନିଦ ହଜେଇଦେଇଛି । ଗତକାଲି ମଧ୍ୟରାତ୍ରୀରେ ଦନ୍ତା ହାତୀ ଆସି ତିନୋଟି ଘର ଭାଙ୍ଗିଥିବା ବେଳେ ଜୟନ୍ତ ମାଝୀ ଘରକୁ ଆସି ତାଙ୍କ ସମ୍ପୂର୍ଣ୍ଣ ଘର ଭାଙ୍ଗିଦେଇଥିବା ବେଳେ ଘର ଭିତରେ ତାଙ୍କ ପତ୍ନୀ ଓ ଦୁଇ ଛୁଆ ଶୋଇଥିଲେ ।
ହାତୀ ଘର ଭାଙ୍ଗିବା ଦ୍ୱାରା ଇଟା ପଡି ଚାପି ହୋଇ ରହିଯାଇଥିଲେ ଛୁଆ ଆଉ ମା । ହାତୀ ଗଲା ପରେ ଗ୍ରାମବାସୀ ଆସି ଉଦ୍ଧାର କରିଲେ । ସେହିଭଳି ହୃଷିକେଶ ପାତ୍ର ତାଙ୍କ ଘରର ପାଚେରୀ ଭାଙ୍ଗିବା ସହ ଧାନ ଚାଉଳ ଖାଇଗଲା ହାତୀ ।
ଅଧିକ ପଢନ୍ତୁ ଓଡ଼ିଶା ଖବର