ନୂଆପଡା: ଗୁଳି ମାଡ଼ରେ ଜଣେ ଗୁରୁତର । 7 ଜଣ ଅଟକ । ନୂଆପଡା ଜିଲ୍ଲା ସିନାପାଲି ଥାନା କାପସି ଛକରେ ଘଟିଛି ଗୁଳି କାଣ୍ଡ । ଗୁରୁତର ଜଣଙ୍କ ସିନାପାଲି ସହରର ନିଲାମ୍ବର ମେହେର ବୋଲି ଜଣାପଡିଛି । ସିନାପାଲି ସହରର ନିଲାମ୍ବର ମେହେର କାପସି ଛକରେ ଫାଷ୍ଟଫୁଡ୍ ଦୋକାନ ଖୋଲିଥିଲେ ।
ରାତିରେ କୌଣସି କଥା ନେଇ କିଛି ଯୁବକଙ୍କ ସହ ଗଣ୍ଡଗୋଳ ହୋଇ ଗୁଳିକାଣ୍ଡ ହୋଇଥିଲା । ଏଥିରେ ନୀଳାମ୍ବର ମେହେରଙ୍କ ପେଟରେ ଗୁଳି ବାଜିଥିଲା । ପରେ ଗୁରୁତର ଅବସ୍ଥାରେ ସିନାପାଲି ମେଡିକାଲ ପରେ ଭବାନୀପାଟଣା ମୁଖ୍ୟଚିକିତ୍ସାଳୟକୁ ସ୍ଥାନାନ୍ତରିତ କରାଯାଇଛି l କାପସି ଗାଁର 7 ଜଣଙ୍କୁ ଥାନାରେ ଅଟକ ରଖି ପଚରାଉଚରା କରୁଛି ସିନାପାଲି ପୋଲିସ ।