ସମ୍ବଲପୁର: ବାପା ମାଡରେ ପୁଅ ମୃତ । ସମ୍ବଲପୁର ଜିଲ୍ଲା ଠେଲକୋଲି ଥାନା ଅନ୍ତର୍ଗତ ଡେରବା ଗାଁରେ ବାପାର କାଠ ଫାଳୀୟା ମାଡ଼ରେ ପୁଅର ମୃତ୍ୟୁ ଘଟିଛି l ପଡିଶା ଘରର ଛେଳିକୁ ପୁଅ ତଣ୍ଟି ଚିପି ମାରି ଦେଇଥିବାରୁ ବାପା ଉତ୍ୟକ୍ତ ହୋଇ ପୁଅକୁ କାଠ ଫାଳୀୟାରେ ପିଟି ପିଟି ମାରି ଦେଇଥିବା ଅଭିଯୋଗ ହୋଇଛି l
ବଳି ପାଇଁ ପଡିଶା ଘରର ଲୋକେ ଛେଳି ଆଣିଥିଲେ । ନିତ୍ୟକିଷାନ ପଡିସା ଘରର ଛେଳିକୁ ତଣ୍ଟି ଚିପି ମାରି ଦେଇଥିଲା ପରେ ପଡିଶା ଘରର ଲୋକେ ନିତ୍ୟ କିଷାନ ଘରର ପରିବାର ଲୋକଙ୍କୁ ଜଣାଇଥିଲେ l ବାପା ଉଦ୍ଧବ କିଷାନ ପୁଅର ଏଭଳି କାଣ୍ଡ ଶୁଣି ପୁଅ ନିତ୍ୟ କିଷାନକୁ କାଠ ଫାଳୀୟା ରେ ପିଟି ପିଟି ମାରି ଦେଲା l ଠେଲକୋଳି ପୋଲିସ ଖବର ପାଇଁ ଘଟଣାସ୍ଥଳରେ ପହଞ୍ଚିଥିଲା l ଏବଂ ଘଟଣାର ତଦନ୍ତ କରି ଠେଲକୋଳି ପୋଲିସ ବାପା ଉଦ୍ଧବ କିଷାନକୁ ଅଟକ ରଖି ପଚରା ଉଚୁରା କରୁଥିବା ଜଣାପଡିଛି ।