ଅର୍ଗସ ବ୍ୟୁରୋ: ଲିଜେଣ୍ଡସ୍ ଲିଗ୍ କ୍ରିକେଟ୍ ୨୦୨୪ । ଶ୍ରୀନଗରର ବକ୍ସି ଷ୍ଟାଡିୟମରେ ଚାଲିଛି ଫାଇନାଲ୍ ମ୍ୟାଚ୍। ଶକ୍ତିଶାଳୀ ସଦର୍ଣ୍ଣ ସୁପରଷ୍ଟାର ସହ ହେଉଛି କୋଣାର୍କ ସୂର୍ଯ୍ୟାସ୍ ଓଡ଼ିଶାର ଲଢ଼େଇ। ଇରଫାନ୍ ପଠାନଙ୍କ ନେତୃତ୍ବାଧୀନ କୋଣାର୍କ ସୂର୍ଯ୍ୟାସ୍ ଓ କେଦାର ଯାଦବଙ୍କ ନେତୃତ୍ବାଧୀନ ସଦର୍ଣ୍ଣ ସୁପରଷ୍ଟାର ମୁହାଁମୁହିଁ ହୋଇଛନ୍ତି। ଟସ୍ ଜିତି ପ୍ରଥମେ ଫିଲଡିଂ ନିଷ୍ପତ୍ତି ନେଇଛି କୋଣାର୍କ ସୂର୍ଯ୍ୟାସ୍। ଶେଷ ଖବର ସୁଦ୍ଧା ୩ ଓଭରରେ ଗୋଟିଏ ୱିକେଟ୍ ହରାଇ ୧୩ ରନ୍ ସଂଗ୍ରହ କରିଛି ସର୍ଦ୍ଦନ୍ ସୁପରଷ୍ଟାର। କୋଣାର୍କ ସୂର୍ଯ୍ୟାସ୍ ଟିମ୍ ମଣିପାଲ ଟାଇଗର୍ସ ବିପକ୍ଷରେ ବିଜୟ ହାସଲ କରି ଲିଜେଣ୍ଡସ୍ ଲିଗ୍ କ୍ରିକେଟରେ ନିଜର ଯାତ୍ରା ଆରମ୍ଭ କରିଥିଲା । ତେବେ, ବର୍ଷା ଯୋଗୁଁ ବାତିଲ ହୋଇଥିବା କ୍ରମାଗତ ଦୁଇଟି ମ୍ୟାଚରୁ କେଏସଓ ଦଳକୁ ଦୁଇ ପଏଣ୍ଟ ମିଳିଥିଲା । ଏହା ପରେ କେଏସଓ ଦଳ ସଦର୍ଣ୍ଣ ସୁପରଷ୍ଟାର ବିପକ୍ଷରେ ହୋଇଥିବା ମ୍ୟାଚ ୮ ୱିକେଟରେ ହାରିଯାଇଥିଲା । ଇଣ୍ଡିଆ କ୍ୟାପିଟାଲ୍ସ ବିପକ୍ଷରେ ୫ ରନ୍ ରେ ବିଜୟ ହାସଲ କରି ଚମତ୍କାର ପ୍ରତ୍ୟାବର୍ତ୍ତନ କରିଥିଲା କେଏସଓ ଦଳ