ମୟୂରଭଞ୍ଜ: ବାରିପଦା ସହରରେ ଥିବା "ସାଇ ହସ୍ପିଟାଲ" ନାମକ ଏଟ ଘରୋଇ ନର୍ସିଂହୋମରେ ଅଗ୍ନିକାଣ୍ଡ । ଇଲେକ୍ଟ୍ରିକ ସଟସର୍କିଟରୁ ନିଆଁ ଲାଗିଥିବା ନେଇ ଅନୁମାନ । ରାତି ପାଖାପାଖି ୩.୫୦ ମିନିଟ୍ ସମୟରେ ନର୍ସିଂହୋମର ଦ୍ବିତୀୟ ମହଲାରେ ରହିଥିବା ଆଇସିୟୁର ଡ୍ୟୁଟି ରୁମରେ ଲାଗିଥିଲା ନିଆଁ । ଘଟଣାସ୍ଥଳରେ ଅଗ୍ନିଶମ ବିଭାଗ ପହଞ୍ଚି ନିଆଁ ଲିଭା କାର୍ଯ୍ୟରେ ନିୟୋଜିତ ହୋଇଥିଲେ । ନର୍ସିଂହୋମରେ ଅଳ୍ପ ରୋଗୀ ଚିକିତ୍ସିତ ହେଉଥିବାବେଳେ ସମସ୍ତଙ୍କୁ ସୁରକ୍ଷିତ ଭାବେ ଉଦ୍ଧାର କରାଯାଇଥିବା ଜଣା ପଡିଛି । ଅଗ୍ନିକାଣ୍ଡ ବିଭାଗ ନିଆଁ ଓ ଧୂଆଁକୁ ସମ୍ପୂର୍ଣ୍ଣ ଆୟତ୍ତକୁ ନେଇଥିବା ନେଇ ସୂଚନା ଦେଇଛନ୍ତି ।
କଟକର ଏକ ଘରୋଇ ନର୍ସିଂହୋମରେ ଅଗ୍ନିକାଣ୍ଡ
ନିକଟରେ କଟକର ତ୍ରିସା ନର୍ସିଂହୋମ୍ ରେ ନିଆଁ ଲାଗିଥିଲା । ଯେଉଁଥିରେ ଜଣେ 12 ଦିନର ଶିଶୁର ମୃତ୍ୟୁ ହୋଇଥିଲା । ଅଗ୍ନିକାଣ୍ଡ ର ପ୍ରକୃତ କାରଣ କଣ , ହସ୍ପିଟାଲରେ ଅଗ୍ନିନିର୍ବାପକ ବ୍ୟବସ୍ଥା ଥାଇ ମଧ୍ୟ କାହିଁକି ଠିକଣା ସମୟ ରେ ବ୍ୟବହାର ହୋଇପାରିଲା ନାହିଁ । ହସ୍ପିଟାଲ କର୍ତୃପକ୍ଷ ଅଗ୍ନିନିର୍ବାପକ ବ୍ୟବସ୍ଥା କୁ ଠିକ ଭାବେ କାହିଁକି ବ୍ୟବହାର କରିପାରିଲେ ନାହିଁ। ଏମିତି ଅନେକ ପ୍ରଶ୍ନ ଏବେ ସାମନାକୁ ଆସିଛି।
ଆହୁରି ପଢନ୍ତୁ ଓଡିଶା ଖବର...