ଅର୍ଗସ ବ୍ୟୁରୋ : ପୂର୍ବ ଶତ୍ରୁତାକୁ କେନ୍ଦ୍ରକରି ସଂଘବଦ୍ଧ ଆକ୍ରମଣ ଉଦ୍ୟମ । ଗଜପତି ଜିଲ୍ଲା ମୋହନା ଥାନା ଚନ୍ଦ୍ରଗିରି ପାତ୍ର ସାହିରେ ଅଭାବନୀୟ ଘଟଣା । ସୂଚନା ଅନୁଯାୟୀ ଶ୍ରୀଧର ରାଉତ ସହ ସେହି ସାହିର ବନ୍ଧନ ଘଡାଇ ମଧ୍ୟରେ ଦୀର୍ଘ ଦିନ ଧରି ତିକ୍ତତା ଲାଗି ରହିଥିଲା । ତେବେ ମଙ୍ଗଳବାର ସନ୍ଧ୍ୟା ସମୟରେ ବନ୍ଧନ ନିଜର କିଛି ସାଙ୍ଗ ମାନଙ୍କ ସହ ବନ୍ଧୁକ ଓ ଛୁରୀ ଧରି ପ୍ରଥମେ ଶ୍ରୀଧର କାମ କରୁଥିବା ଦୋକାନ କୁ ଯାଇ ଝଗଡା କରି ଥିଲେ ।
ଅଧିକ ପଢନ୍ତୁ ଓଡ଼ିଶା ଖବର
ପରେ ଶ୍ରୀଧର ଘରେ ପଶି ପରିବାର ସଦସ୍ୟ ଓ ସାହିର ଲୋକମାନଙ୍କୁ ମାରପିଟ୍ କରିଥିଲେ । ଯାହାକୁ ନେଇ ଉତ୍ୟକ୍ତ ସାହି ଲୋକ ବନ୍ଧନର ସହଯୋଗୀକୁ ମାଡ଼ ମାରିବା ସହ ଦୁଇ ଜଣଙ୍କୁ କାବୁ କରିଥିଲେ । ଉଭୟଙ୍କୁ ପୋଲିସର ଜିମା ଦେଇଛନ୍ତି ଗ୍ରାମବାସୀ । ଚନ୍ଦ୍ରଗିରି ଫାଣ୍ଡି ପୋଲିସ ଉଭୟଙ୍କୁ ଅଟକ ରଖି ତଦନ୍ତ ଚଳାଇଛନ୍ତି ।