ଅର୍ଗସ ବ୍ୟୁରୋ: ଆଜି ସଂସଦରେ 2ଟି ବଡ଼ ବିଲ୍ ଉପରେ ହେବ ଆଲୋଚନା । ଜାମ୍ମୁ-କାଶ୍ମୀର ସଂରକ୍ଷଣ ବିଲ୍-2023 ଏବଂ ଜାମ୍ମୁ-କାଶ୍ମୀର ପୁନର୍ଗଠନ ବିଲ୍-2023 ଉପରେ ଲୋକସଭାରେ ବଡ଼ ବିବୃତି ରଖିବେ ଗୃହମନ୍ତ୍ରୀ । ଜାମ୍ମୁ କାଶ୍ମୀର ସଂରକ୍ଷଣ ସଂଶୋଧନ ବିଧେୟକ 2023କୁ ଗତ ଜୁଲାଇ 26 ତାରିଖରେ ଲୋକସଭାରେ ଉପସ୍ଥାପନ କରାଯାଇଥିଲା ।
ଏହା ଜାମ୍ମୁ ଓ କାଶ୍ମୀର ସଂରକ୍ଷଣ ଅଧିନିୟମ 2004ର ସଂଶୋଧନ କରୁଛି । ଏହି ଅଧିନିୟମ ଅନୁସୂଚିତ ଜାତି, ଜନଜାତି, ଅନ୍ୟ ସାମାଜିକ ଓ ଶୈକ୍ଷିକ ଭାବେ ପଛୁଆ ବର୍ଗର ଲୋକଙ୍କୁ ଚାକିରି ଓ ବ୍ୟାବସାୟିକ ସଂସ୍ଥାରେ ଭର୍ତ୍ତି ହେବା ପାଇଁ ସଂରକ୍ଷଣ ପ୍ରଦାନ କରେ ।