ନୂଆପଡା:  ଆଜି ବିଶ୍ୱ ବନ୍ୟ ପ୍ରାଣୀ ଦିବସ ହେଲେ କେତେ ସୁରକ୍ଷିତ ଓଡିଶାର ବନ୍ୟପ୍ରାଣୀ । ବନ ବିଭାଗର ଅବହେଳା ଯୋଗୁଁ ସୀମାନ୍ତରେ ବଢୁଛି ବଜ୍ରକାପ୍ତା ଚୋରା ଚାଲାଣ । ନୂଆପଡା ଜିଲ୍ଲାରୁ 4 ମାସରେ 3 ଜୀବନ୍ତ ବଜ୍ରକାପ୍ତା ଉଦ୍ଧାର କରିଛି ବନ ବିଭାଗ l ନୂଆପଡା ଜିଲ୍ଲାର ସୁନାବେଡ଼ା ଅଭୟାରଣରେ ଅଧିକ ସଂଖ୍ୟାରେ ବଜ୍ରକାପ୍ତା ରହିଛି ଏହାର ସୁଯୋଗ ନେଇ ସୀମାନ୍ତ ଛତିଶଗଡର ମାଫିଆମାନେ ଚୋରା ଚାଲାଣ କରିବାରେ ମାତିଛନ୍ତି । 

ବର୍ଷକରେ ଖଡ଼ିଆଳ ବନଖଣ୍ଡ ଅଧୀନର ସୀମାନ୍ତ ସିନାପାଲି ରେଞ୍ଜ, ଖଡ଼ିଆଳ ରେଞ୍ଜ ଅଞ୍ଚଳରୁ ଚୋରା ଚାଲାଣ ସମୟରେ 3 ଜୀବନ୍ତ ବଜ୍ରକାପ୍ତା ଉଦ୍ଧାର କରିଛି ବନ ବିଭାଗ । ଠିକ ସେହିଭଳି ଖଡ଼ିଆଳ ବନଖଣ୍ଡ ଅଞ୍ଚଳରୁ କଲରାପତରିଆ ବାଘ ଛାଲ ମଧ୍ୟ ଅନେକ ସମୟରେ ଜବତ ହେଉଛି ।  ଜିଲ୍ଲାର ସୁନାବେଡ଼ା ଅଭୟାରଣରେ ମଧ୍ୟ ଅସୁରକ୍ଷିତ ବାଘ ଏବଂ ଅନ୍ୟାନ୍ୟ ବନ୍ୟ ପ୍ରାଣୀ । ବନ ବିଭାଗର ଅବହେଳା ପାଇଁ ଦିନକୁ ଦିନ ଚୋରା ଚାଲାଣ ବଢୁଥିବା ଅଭିଯୋଗ ହେଉଥିବା ବେଳେ ଓଡିଶା ବନ ବିଭାଗ ପାଖେ ଖବର ନ ଥିବାବେଳେ ଛତିଶଗଡ ବନ ବିଭାଗ ପାଖେ ଖବର ରହୁଥିବା ଘଟଣା ଅଞ୍ଚଳବାସୀଙ୍କୁ ଆଚମ୍ବିତ କରୁଛି ।