ଅର୍ଗସ ବ୍ୟୁରୋ: ସବୁଠି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ପ୍ରଶଂସା । ବିକାଶର ସାରଥୀ ସାଜିଛନ୍ତି ଧର୍ମେନ୍ଦ୍ର । ତାଙ୍କର ପ୍ରଭାବଶାଳୀ ଉତ୍ତରକୁ ନେଇ ସଂସଦ ଭିତରେ ହେଉ କି ସଂସଦ ବାହାରେ ତାଙ୍କୁ ନେଇ ଖୁବ ଚର୍ଚ୍ଚା ହୁଏ ।
ଓଡିଶା ଲାଗି ହେଉ କି ଶିକ୍ଷା କ୍ଷେତ୍ରରେ ଉନ୍ନତିର କଥା ହେଉ...ଯେତେବେଳେ ତାଙ୍କୁ ଯେଉଁ ଦାୟିତ୍ୱ ଦିଆଯାଇଛି ସବୁଥିରେ ନିଜର ଉତ୍କୃଷ୍ଟତା ପ୍ରଦର୍ଶନ କରିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ସେଇଥି ଲାଗି ତ ଧର୍ମେନ୍ଦ୍ରଙ୍କ କାର୍ଯ୍ୟ ଦକ୍ଷତାକୁ ନେଇ ପ୍ରଶଂସାରେ ପୋତି ପକାଇଛନ୍ତି ରାଜ୍ୟସଭା ଅଧ୍ୟକ୍ଷ ଜଗଦୀପ ଧନଖଡ଼ । ସାଂସଦ ରାଜୀବ ଶୁକ୍ଲାଙ୍କ ଏକ ପ୍ରଶ୍ନର ଉତ୍ତରରେ ନିଜର ମତ ରଖି ରାଜ୍ୟସଭା ଅଧ୍ୟକ୍ଷ ଜଗଦୀପ ଧନଖଡ଼ କହିଥିଲେ ଯେ ନୀତିନ ଗଡ଼କରୀଙ୍କ ପରି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ କାର୍ଯ୍ୟ ବି ପ୍ରଶଂସନୀୟ ।
ରାଜୀବ ଶୁକ୍ଳା ଅଧ୍ୟକ୍ଷଙ୍କୁ କହିଥିଲେ , ଅନେକ ନେତା-ମନ୍ତ୍ରୀ ଗୃହକୁ ପ୍ରସ୍ତୁତ ହୋଇ ଆସୁଛନ୍ତି । ଆଉ କିଏ ଅଳ୍ପ ପ୍ରସ୍ତୁତ ହୋଇ ଆସୁଛନ୍ତି । ହେଲେ ନୀତିନ ଗଡକରୀ ଏତେ ଭଲ ଭାବରେ ପ୍ରସ୍ତୁତ ହୋଇ ଆସୁଛନ୍ତି ଯେ ଉତ୍ତର ଦେଲେ ଅଧା ସମୟ ପଳାଉଛି ।
ବାସ୍ ଏହାପରେ ଏହି କଥାରେ ହସ୍ତକ୍ଷେପ କରି ଧନକଡ କହିଥିଲେ ଯେ ଖାଲି ନୀତିନ ଗଡକରୀ ନୁହନ୍ତି କେନ୍ଦ୍ରଶିକ୍ଷା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ମଧ୍ୟ ଭଲ ଭାବରେ ପ୍ରସ୍ତୁତ ହୋଇ ଗୃହକୁ ଆସନ୍ତି । ଏହାସହ ତାଙ୍କ କାର୍ଯ୍ୟଶୈଳୀ ଦକ୍ଷତା ଖୁବ ଉଚ୍ଚକୋଟିର । ପ୍ରସ୍ତୁତି ହୋଇ ଉତ୍ତର ଦେବାରେ ଧର୍ମେନ୍ଦ୍ର କୌଣସି ଗୁଣରେ କମ୍ ନୁହନ୍ତି । ତାଙ୍କ ଉତ୍ତର ଦେବା ଶୈଳୀ ଉଚ୍ଚକୋଟିର । ସେ ପ୍ରଶଂସାର ପାତ୍ର ବୋଲି କହିଥିଲେ ଧନକଡ ।
କଥା ଏତିକିରେ ସରିନଥିଲା । କଂଗ୍ରେସ ସାସଂଦ ପ୍ରମୋଦ ତିୱାରୀ ଛିଡା ହୋଇ କହିଥିଲେ ବିରୋଧୀ ତ ଗୃହକୁ ଆସୁଛନ୍ତି, କିନ୍ତୁ ଉତ୍ତର ଦେବାକୁ ଅନେକ ସମୟରେ ବିଭାଗୀୟ ମନ୍ତ୍ରୀ ଆସୁନାହାନ୍ତି । ସେମାନଙ୍କ ବଦଳରେ ଅନ୍ୟମନ୍ତ୍ରୀ କାମ ତୁଲାଉଛନ୍ତି । ମନ୍ତ୍ରୀଙ୍କୁ ତାଗିଦ୍ କରାଯାଉ । ଏଥିରେ ମଧ୍ୟ ହସ୍ତକ୍ଷେପ କରି ଧନକଡ କହିଥିଲେ, ଧର୍ମେନ୍ଦ୍ରଙ୍କ ଭଳି ବରିଷ୍ଠ ଓ ଅଭିଜ୍ଞ ମନ୍ତ୍ରୀ ଯେତେବେଳେ କୌଣସି ମନ୍ତ୍ରୀଙ୍କ ବଦଳରେ ଉତ୍ତର ଦେଉଛନ୍ତି ତାହା ସୌଭାଗ୍ୟର କଥା । କାରଣ ସେ ସେତିକ ପାରିବାରବାଲା । ସେଥିପାଇଁ ସରକାର ତାଙ୍କୁ ଅନୁପସ୍ଥିତ ମନ୍ତ୍ରୀଙ୍କ ବଦଳରେ ଉତ୍ତର ଦେବାକୁ ସକ୍ଷମ ଭାବୁଛନ୍ତି । ତେବେ ଅଧ୍ୟକ୍ଷଙ୍କର ଏହି କଥାକୁ ନେଇ ଏବେ ସବୁଠି ଚର୍ଚ୍ଚା ।
ଆହୁରି ପଢନ୍ତୁ ଭାରତ ଖବର...