ଅର୍ଗସ ବ୍ୟୁରୋ: କଟକ ମହାନଦୀ ବିହାର ବୃଦ୍ଧା ଅନିମା ମହାନ୍ତି ହତ୍ୟା ମାମଲାରେ ସାମ୍ନାକୁ ଆସିଲା ସାଂଘାତିକ ତଥ୍ୟ। ପ୍ରତିଶୋଧ ପରାୟଣ ହୋଇ ମାକୁ ହତ୍ୟା କରିଛନ୍ତି ଦୁଇ ପୁଅ l ଦୁଇ ପୁଅ କୌଣସି କାର୍ଯ୍ୟ କରୁନଥିଲେ l କିଛି ଦିନ ହେବ ଘରର ଆସବାବ ପତ୍ରକୁ ବିକ୍ରି କରୁଥିଲେ। ଯାହାକୁ ବିରୋଧ କରୁଥିଲେ ମା ଅନିମା ମହାନ୍ତି। ଏଇ ଘଟଣାରେ ପ୍ରତିଶୋଧ ପରାୟଣ ହୋଇ ମାଙ୍କୁ ହତ୍ୟା କରିଛନ୍ତି ଦୁଇ ପୁଅ ଅଂଶୁମାନ ଓ ଅନୁରାଗ l ମୃତ୍ୟୁ ପରେ ଗୋବର ପାଣିରେ ଘର ଧୋଇଥିଲେ ଦୁଇ ଭାଇ l ବଡ଼ ପୁଅ ଅନୁରାଗକୁ ପୋଲିସ ଗିରଫ କରି କୋର୍ଟ ଚାଲାଣ କରିଥିବା ବେଳେ ସାନ ପୁଅ ବର୍ତମାନ ଫେରାର ରହିଛି l ଏନେଇ ଚାଉଳିଆଗଞ୍ଜ ଥାନା ଅଧିକାରୀ ଦେବେନ୍ଦ୍ର ବିଶ୍ବାଳ ସୂଚନା ଦେଇଛନ୍ତି ।

ଏ ହେଉଛି ମହାନଦୀ ବିହାରର ପ୍ଲଟ ନମ୍ବର 714 l 5 ବର୍ଷ ପୂର୍ବେ ଅନିମାଙ୍କ ସ୍ବାମୀଙ୍କ ମୃତ୍ୟୁ ପରେ ସେହି ଘରେ ବଡପୁଅ ଅନୁରାଗ ଓ ସାନପୁଅ ଅଂଶୁମାନଙ୍କ ସହିତ ମା ଅନିମା ମହାନ୍ତି ରହୁଥିଲେ । ତେବେ ଘଟଣାର ଖବର ପାଇ ଚାଉଳିଆଗଞ୍ଜ ଥାନା ପୋଲିସ ପହଞ୍ଚି ଶବକୁ ଜବତ କରିଥିବା ବେଳେ ସାଇଣ୍ଟିଫିକ ଟିମ ସହ ଘଟଣାର ତଦନ୍ତ ଆରମ୍ଭ କରିଛି।

5 ବର୍ଷ ତଳେ ଅନିମା ଦେବୀଙ୍କ ସ୍ବାମୀ ଓ ଏହାର କିଛି ଦିନ ପୂର୍ବରୁ ତାଙ୍କ ବଡ଼ ଝିଅଙ୍କ ମୃତ୍ୟୁ ହୋଇଥିଲା ।  ଦୁଇ ପୁଅ ସହିତ ସେ ରହୁଥିଲେ, ତେବେ ଦୁଇ ପୁଅ ଅବିବାହିତ ଥିଲେ l  ଉଭୟଙ୍କ ବୟସ ପାଖାପାଖି 50 ବର୍ଷ ବୋଲି ଜଣାପଡିଛି । ଏକ ସପ୍ତାହ ପୂର୍ବେ ନଖରା ଅଂଚଳରେ ଉଲଗ୍ନ ହୋଇ ବୁଲୁଥିବାର ପୁଲିସକୁ ଖବର ଦେଇଥିଲେ ଲୋକେ l ପୁଲିସ ତାଙ୍କୁ ଆଣି ଘରେ ଛାଡିଥିଲା l ପୋଲିସର ସୂଚନା ଅନୁଯାୟୀ ଘଟଣାର ପୂର୍ବ ଦିନ ମଧ୍ୟ ଦୁଇ ପୁଅ ମାଙ୍କୁ ନେଇ ଅଟୋରେ କେଉଁଆଡେ ଯାଇଥିଲେ । ସମସ୍ତ ଆସାବାବପତ୍ର କବାଡିଆକୁ ଡାକି ଦେଇ ଦେଇଥିଲେ ଏହାସହ ଅନେକ ଆସବାବପତ୍ର ସହ ଘରର ଜିନିଷ ବାହାରେ ମଧ୍ୟ ପଡିଥିଲା। 

ଅଧିକ ପଢ଼ନ୍ତୁ ଓଡ଼ିଶା ଖବର