ଅର୍ଗସ ବ୍ୟୁରୋ: ଯଶସ୍ୱୀ ଜୟସ୍ବାଲଙ୍କ ଧୂଆଁଧାର ରନ ବର୍ଷା। ଦମ ଦେଖାଇଲେ ଯୁବ ବ୍ୟାଟର । ଚଇକା ଛକାରେ ଜିଣିନେଲେ ଦର୍ଶକଙ୍କ ମନ । ଗୁଜରାଟର ରାଜକୋଟରେ ଭାରତ ଓ ଇଂଲଣ୍ଡ ମଧ୍ୟରେ ଚାଲିଥିବା ତୃତୀୟ ଟେଷ୍ଟ ମ୍ୟାଚରେ ଯଶସ୍ୱୀ ଜୟସ୍ୱାଲଙ୍କ ଦ୍ୱିଶତକ । ଏହି ଯୁବ ବ୍ୟାଟରଙ୍କ ଇନିଙ୍ଗସ୍ ବେଶ୍ ଆକର୍ଷଣୀୟ ରହିଥିଲା । ପଡ଼ିଆର ଚାରି ଦିଗକୁ ସେ ଚମକ୍ରାର ସଟ୍ ସବୁ ମାରିଥିଲେ । ୨୩୬ଟି ବଲ୍ ଖେଳି ଜୟସ୍ୱାଲ ୨୧୪ ରନ୍ କରି ନଟଆଉଟ୍ ରହିଥିଲେ । ସେ ୧୪ଟି ଚୌକା ଓ ୧୨ଟି ଛକା ମାରିଛନ୍ତି । ତାଙ୍କ ଡବଲ ସେଞ୍ଚୁରୀ ବଳରେ ଭାରତ ଦ୍ୱିତୀୟ ଇନିଙ୍ଗସରେ ବିଶାଳ ସ୍କୋର ଛିଡ଼ା କରିଛି । ଶୁଭମନ୍ ଗିଲ ୯୧ ରନ୍ କରି ଆଉଟ୍ ହୋଇଥିବା ବେଳେ ସର୍ଫରାଜ ଖାନ୍ ୬୮ ରନ୍ କରି ନଟ୍ଆଉଟ୍ ରହିଛନ୍ତି।
ଇଂଲଣ୍ଡ ଟେଷ୍ଟରେ ଜୟସ୍ବାଲଙ୍କ କମାଲ
ଦ୍ୱିତୀୟ ଇନିଂସରେ ଭାରତ ୪ ୱିକେଟରେ ୪୩୦ ରନ୍ କରି ପାଳି ଘୋଷଣା କରିଛି । ଏହାସହ ବିଜୟ ପାଇଁ ଇଂଲଣ୍ଡ ଆଗରେ ୫୫୭ ରନର ଟାର୍ଗେଟ ଦେଇଛି ଭାରତ । ୫ ମ୍ୟାଚ୍ ବିଶିଷ୍ଟ ଟେଷ୍ଟ ସିରିଜ୍ ଏପର୍ଯ୍ୟନ୍ତ ୧-୧ ସ୍ଥିତିରେ ରହିଛି। ଗୋଟିଏ ଇଂଲଣ୍ଡ ଜିତିଥିବା ବେଳେ ଗୋଟିଏ ଭାରତ ଜିତିଛି ।