ଅର୍ଗସ ବ୍ୟୁରୋ: ସମ୍ମୁଖ ଯୁଦ୍ଧରୁ ହଟିଲେ ବାଇଡେନ । ଆଗାମୀ ଆମେରିକା ରାଷ୍ଟ୍ରପତି ନିର୍ବାଚନ ଲଢ଼ିବେ ନାହିଁ ଜୋ ବାଇଡେନ । ଦେଶ ଓ ଦଳର ହିତ ଦୃଷ୍ଟିରେ ସେ ଏହି ନିଷ୍ପତ୍ତି ନେଇଥିବା ନିଜେ ଘୋଷଣା କରିଛନ୍ତି ବାଇଡେନ । ସ୍ବାସ୍ଥ୍ୟବସ୍ଥାକୁ ନେଇ କିଛିଦିନ ଧରି ଚର୍ଚ୍ଚା ଲାଗି ରହିଥିବାବେଳେ ଚର୍ଚ୍ଚାରେ ବିରାମ ଲାଗାଇଛନ୍ତି ବାଇଡେନ ।
ଏବେ ଡେମୋକ୍ରାଟିକ ପାର୍ଟି ଡୋନାଲ୍ଡ ଟ୍ରମ୍ପଙ୍କ ବିପକ୍ଷରେ କାହାକୁ ପ୍ରାର୍ଥୀ କରିବ, ତାକୁ ନେଇ ଚର୍ଚ୍ଚା ଆରମ୍ଭ ହୋଇଛି । ଉପରାଷ୍ଟ୍ରପତି କମଲା ହାରିସ ହୋଇପାରନ୍ତି ରାଷ୍ଟ୍ରପତି ପ୍ରାର୍ଥୀ । ଲାଇଭ ଡିବେଟରେ ମଧ୍ୟ ଟ୍ରମ୍ପଙ୍କ ତୁଳନାରେ ଦୁର୍ବଳ ପ୍ରଦର୍ଶନ କରିଥିଲେ ବାଇଡେନ । ଯାହାକୁ ନେଇ ନିର୍ବାଚନରୁ ଓହରି ଯିବା ପାଇଁ ଅନେକ ଶୁଭେଚ୍ଛୁ ବାଇଡେନଙ୍କୁ ପରାମର୍ଶ ଦେଇଥିଲେ ।
ଆହୁରି ପଢନ୍ତୁ ବିଦେଶ ଖବର...