ଅର୍ଗସ ବ୍ୟୁରୋ : ଏକକ ନିର୍ବାଚନ ଉପରେ ବିଜେପିର ଗୁରୁତ୍ବ । ପୂର୍ବତନ ରାଷ୍ଟ୍ରପତି ତଥା ଏକକ ନିର୍ବାଚନ କମିଟି ଚେୟାରମ୍ୟାନ୍ ରାମନାଥ କୋବିନ୍ଦଙ୍କୁ ଭେଟିଲା ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡାଙ୍କ ନେତୃତ୍ବରେ ବିଜେପି ପ୍ରତିନିଧି ଦଳ । ଦେଶରେ ଏକକ ନିର୍ବାଚନ କରିବା ନେଇ ଦାବି ଉପସ୍ଥାପିତ କରିଛି ଟିମ୍ । ଏହି ଟିମ୍ କମିଟି ଅଧ୍ୟକ୍ଷଙ୍କୁ କହିଛନ୍ତି, ଦେଶରେ ବାରମ୍ବାର ନିର୍ବାଚନ ଦ୍ବାରା ଅନେକ ବିକାଶ କାମ ଅଟକି ଯାଉଛି ।
ବର୍ଷ ସାରା ଦେଶରେ ନିର୍ବାଚନ ଲାଗି କେଉଁଠି ନା କେଉଁଠି ନିର୍ବାଚନ ଆଚରଣ ବିଧି ଲାଗୁ ହୋଇଥାଏ। ଲୋକଙ୍କ ବିକାଶ ପାଇଁ ହେଉଥିବା କାମରେ ଏହାଦ୍ବାରା ଅନେକ ବାଧା ଉପୁଜୁଛି । ଲୋକଙ୍କ ଉନ୍ନତି ଓ ଆର୍ଥିକ ବୋଝ ବି ଏହା ଦ୍ବାରା ସୃଷ୍ଟି ହୋଇଥାଏ । ଖାଲି ଏତିକି ନୁହେଁ, ଆର୍ଥିକ ଦୁର୍ନୀତି ବି ଏହାଫଳରେ ବଢ଼ିଥାଏ ବୋଲି ଟିମ୍ କହିଛି ।
ଅଧିକ ପଢନ୍ତୁ ଭାରତ ଖବର
ସେହିଭଳି ସୁରକ୍ଷାକର୍ମୀମାନେ ସୀମାର ସୁରକ୍ଷା ଛାଡ଼ି ଦେଶର ନିର୍ବାଚନ କାମରେ ଲାଗିଥାନ୍ତି । ଶିକ୍ଷକଙ୍କଠୁ ସ୍ବାସ୍ଥ୍ୟକର୍ମୀ ବି ଏଥିରେ ନିୟୋଜିତ ହୋଇ ନିଜ ମୂଳ କାମ କରିପାରନ୍ତିନି । ତେଣୁ ଆଇନ ଓ ନିୟମରେ ପରିବର୍ତ୍ତନ କରାଯାଉ ବୋଲି ନଡ୍ଡା ଦାବି କରିଛନ୍ତି ।