ଅର୍ଗସ ବ୍ୟୁରୋ : ତିନିଦିନ ହେଲାଣି ସରୁନି ଟଙ୍କା ଗଣା । ଆୟକର ବିଭାଗର ସରୁନି ରେଡ୍ କି ସରୁନି ଟଙ୍କା ଗଣା । ଆୟକର ଫାଙ୍କିବା ଅଭିଯୋଗରେ ରାଜ୍ୟର ବିଭିନ୍ନ ସ୍ଥାନରେ ମଦ ବ୍ୟବସାୟୀଙ୍କ ଉପରେ ଜାରି ରହିଛି ରେଡ୍ । ଆଉ ଏହି ଚଢ଼ଉ ବେଳେ ଆୟକର ଅଧିକାରୀଙ୍କୁ ତାଜୁବ କରିଛି ଦେଶୀ ଭାଟିରୁ ମିଳିଥିବା ବିଡ଼ା ବିଡ଼ା ନୋଟ୍ । ଦୁଇ ଦିନର ରେଡ୍ ରେ ୨ଶହ କୋଟିରୁ ଅଧିକ ଟଙ୍କା ଜବତ ହେଲାଣି । 

ଓଡ଼ିଶାରେ ଜବତ ୨୦୦ କୋଟି ନେଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଟ୍ବିଟକରି କହିଛନ୍ତି । ଦେଶବାସୀ ଏହି ବିଡା ବିଡା ନୋଟକୁ ଦେଖନ୍ତୁ ଏବଂ ଏମାନଙ୍କ ନେତାଙ୍କ ସଚ୍ଚୋଟତାକୁ ନେଇ ଦେଉଥିବା ଭାଷଣ ଶୁଣନ୍ତୁ ବୋଲି କହିଛନ୍ତି । ଯିଏ ଜନତାକୁ ଲୁଟିଛି, ତାକୁ ସବୁକିଛି ଫେରାଇବାକୁ ପଡ଼ିବ ବୋଲି କହିଛନ୍ତି ମୋଦି ।

ଏପଟେ ରାଜ୍ୟରେ ଜାରି ରହିଥିବା ମାରାଥନ ରେଡ଼ ଆଉ ଦେଶୀ ଭାଟିରୁ ମିଳିଥିବା ବିଡ଼ା ବିଡ଼ା ନୋଟକୁ ନେଇ ବିଜେପି ରାଜ୍ୟ ସାଧାରଣ ସମ୍ପାଦିକା ଲେଖାଶ୍ରୀ ସାମନ୍ତସିଂହାର ରାଜ୍ୟ ସରକାରଙ୍କୁ କରିଛନ୍ତି ଟାର୍ଗେଟ । କହିଛନ୍ତି, ରାଜ୍ୟର ସମସ୍ତ ମଦ ମାଫିଆଙ୍କ ସହ ରାଜ୍ୟ ସରକାରଙ୍କ ଲିଙ୍କ ରହିଛି । ଶାସକ ଦଳ ଛତ୍ରଛାୟା ତଳେ ରହିଛନ୍ତି ଏହି ସମସ୍ତ ମଦ ମାଫିଆ ମାନେ । ମଦ ମାଫିଆ ମାନଙ୍କ ଠାରି ମିଳୁଥିବା ଟଙ୍କା ୫୦୦ କୋଟିରୁ ଉର୍ଦ୍ଧ ହେବ ବୋଲି କହିଛନ୍ତି ଲେଖାଶ୍ରୀ ।