ମାଲକାନଗିରି : କାଲିମେଳା, ଛାତ୍ରାବାସରେ ପିଲାଙ୍କୁ ଠିକ ଭାବେ ମିଳୁନାହିଁ ଖାଇବା, ଖାଇବାକୁ ନ ପାଇ ଭୋକ ଉପାସରେ ବିଡିଓ ଙ୍କୁ ଗୁହାରି କଲେ ହଷ୍ଟେଲ ଅନ୍ତେବାସୀ,ଶେଷରେ ବିଡିଓ ନିଜ ହାତରୁ ପିଲାମାନଙ୍କୁ ଖାଇବାକୁ ଦେବା ସହ ଘଟଣା ର ଅନୁଧ୍ୟାନ କରିଛନ୍ତି ବିଡିଓ l ଏଭଳି ଏକ ଚିତ୍ର ଦେଖିବାକୁ ମିଳିଛି ଆଦିବାସୀ ଅଧ୍ୟୁଷିତ ମାଲକାନଗିରି ଜିଲ୍ଲା କାଲିମେଳା ବ୍ଲକ ସଦର ମହକୁମା ସ୍ଥିତ ସରକାରୀ ଉଚ୍ଚ ବିଦ୍ୟାଳୟ ଛାତ୍ରାବାସରେ l ଆଜି ହଷ୍ଟେଲ ରେ ଖାଇବାକୁ ନ ମିଳିବା ରୁ ହଷ୍ଟେଲ ର 30 ଜଣ ଛାତ୍ର ବିଡିଓଙ୍କ କାର୍ଯ୍ୟାଳୟରେ ପହଁଚି ନିଜର ଅଭିଯୋଗ କରିଥିବା ଜଣା ପଡିଛି l ସୂଚନା ଅନୁଯାଇ ସରକାରୀ ଉଚ୍ଚ ବିଦ୍ୟାଳୟ ରେ ବଢୁଥିବା ପିଲାମାନଙ୍କ ପାଇଁ ବିଦ୍ୟଳୟ ପରିସରରେ ଏକ ହଷ୍ଟେଲ ଖୋଲା ଯାଇଚି l ସେଠାରେ 6th ଶ୍ରେଣୀରୁ ଦଶମ ଶ୍ରେଣୀ ପଯ୍ୟନ୍ତ ମୋଟ 110 ଜଣ ଛାତ୍ର ରହିବା ବ୍ୟବସ୍ତା କରାଯାଇଛି l କିନ୍ତୁ ଏଠାରେ ପିଲାମାନଙ୍କୁ ଅତି ନିମ୍ନମାନର ଖାଇବା ଦିଆ ଯାଉଥିବା ବେଳେ ଆଧିକାଂଶ ସମୟରେ ଖାଇବା ନିଅଣ୍ଟ ହେଉଥିବା ରୁ ଅନ୍ତେବାସୀ ମାନେ ଭୋକ ଉପାସରେ ରହୁଛନ୍ତି l
ଅଧିକ ପଢନ୍ତୁ ଓଡିଶା ଖବର
ଏଭଳି ଘଟଣା ଦୀର୍ଘ 6 ମାସ ଧରି ଚାଲିଥିବା ଅନ୍ତେବାସୀ ମାନେ ପ୍ରକାଶ କରିଛନ୍ତି ଏଥିସହିତ ବିଦ୍ୟଳୟ ଆବଶ୍ୟକ କୋଠାରୀ ନ ଥିବା କାରଣକୁ ଗୋଟିଏ ବେଡ୍ ରେ ଦୁଇ ଜଣ ଛାତ୍ର ରାତ୍ରିଯାପନ କରୁଛନ୍ତି l ଏଥିସହ ହଷ୍ଟେଲ ରେ ଫେନ କାମ କରୁ ନ ଥିବା ବେଳେ ଅନ୍ତେବାସୀ ମାନେ ନିଜ ହାତରୁ ଟଙ୍କା ଖର୍ଚ କରି ଫେନ ମରାମତି କରି ପିଲା ଶୁଉଛନ୍ତି l ହଷ୍ଟେଲରେ ଅନ୍ତେବାସୀଙ୍କୁ ସ୍ଵଚ୍ଛ ପାନୀୟ ଜଳ ମଧ୍ଯ ମିଳୁ ନ ଥିବା ସେମାନେ ଅଭିଯୋଗ କରିଛନ୍ତି l ଏହି ସବୁର ଅଭିଯୋଗ ପାଇବା ପରେ ବିଡିଓ ପ୍ରଦୀପ କୁମାର କର ଥାନା ଅଧିକାରୀ ଚନ୍ଦ୍ରକାନ୍ତ ତାଣ୍ଡି, ଏବିଇଓ ଚିନ୍ତା ହରଣ ମଧୁ ହଷ୍ଟେଲ ପରିଦର୍ଶନ କରି ସ୍ଥିତି ଅନୁଧ୍ୟାନ କରିଛନ୍ତି l କିଭଲି ପରିବେଶରେ ପିଲାଙ୍କୁ ଖାଇବାକୁ ଦିଆ ଯାଉଚି ଏବଂ ଖାଇବାର ମାନ ଯାଞ୍ଚ କରିଛନ୍ତି l ଯାଂଚ ପରେ ବିଡିଓ ଗଣମାଧ୍ୟମ କୁ କହିଛନ୍ତି ଯେ ପିଲାମାନେ ଯେଉଁ ଅଭିଯୋଗ ଆଣିଛନ୍ତି ଛନ୍ତି ତାହା ସମ୍ପୂର୍ଣ୍ଣ ସତ୍ୟ ଅଟେ ଏହାର ତଦନ୍ତ କରି ମୁଁ ଜିଲ୍ଲାପାଳଙ୍କୁ ପଠେଇବେ ବୁଲି ପ୍ରକାଶ କରିଛନ୍ତି l