ଅର୍ଗସ ବ୍ୟୁରୋ: ଦିନକୁ ଦିନ ବଢ଼ିଚାଲିଛି ସାରା ସମଗ୍ର ଦେଶର ତାପମାତ୍ରା । ଏଥିରୁ ବାଦ ପଡ଼ିନି ରାଜଧାନୀ ଦିଲ୍ଲୀ। ଏହା ମଧ୍ୟରେଏକ ଆଶ୍ଵସ୍ତିକର ଘଟଣା ସାମ୍ନାକୁ ଆସିଛି । ପ୍ରଚଣ୍ଡ ଗରମ ଭିତରେ ମଧ୍ୟ ରାଜଧାନୀ ଦିଲ୍ଲୀରେ ପବନ ସହ ପ୍ରବଳ ବର୍ଷା ହୋଇଛି । ଦିଲ୍ଲୀ ଏନସିଆର ସମେତ ଉତ୍ତରପ୍ରଦେଶରେ ସାଧାରଣରୁ ମଧ୍ୟମ ଧରଣର ବର୍ଷା ହୋଇଛି।
ପାଣିପାଗକୁ ନଜରରେ ରଖି ଦିଲ୍ଲୀ ଇନ୍ଦିରାଗାନ୍ଧୀ ଏୟାରପୋର୍ଟର ୧୫ଟି ବିମାନ ଉଡାଣକୁ ଅନ୍ୟତ୍ର ପରିବର୍ତ୍ତନ କରାଯାଇଛି । ଭାରତୀୟ ପାଣିପାଗର ସୂଚନା ଅନୁସାରେ ଆସନ୍ତା ଗୁରୁବାର ଦିନ ପାଗ ଅନୁକୂଳ ରହିବାସହ ତାପମାତ୍ରା ୩୮ ଡିଗ୍ରୀ ରହିବ ବୋଲି ପୂର୍ବାନୁମାନ କରାଯାଇଛି । ଏହା ମଧ୍ୟ କୁହାଯାଇଛି ଯେ ଦିଲ୍ଲୀ-ଏନସିଆରରେ ହାଲୁକାରୁ ମଧ୍ୟମ ଧରଣର ବର୍ଷା ହେବାର ସମ୍ଭାବନା ରହିଛି। ଆଗାମୀ ୭ ଦିନ ପର୍ଯ୍ୟନ୍ତ ଉତ୍ତରଭାରତ ସମେତ ଦିଲ୍ଲୀରେ ଗରମ ଅନୁଭୂତ ହେବ ନାହିଁ ବୋଲି ଭାରତୀୟ ପାଣିପାଗ ବିଭାଗ ପକ୍ଷରୁ କୁହାଯାଇଛି।
ଅଧିକ ପଢ଼ନ୍ତୁ ଭାରତ ଖବର