ଅର୍ଗସ ବ୍ୟୁରୋ: ମହିଳାଙ୍କୁ ଛୁରାମାଡ। ଏରସମା ଥାନା ଅନ୍ତର୍ଗତ ତଳକୁସୁମା ଗାଁରେ ମହିଳାଙ୍କୁ ଛୁରାମାଡ ଘଟଣାରେ ଆଜି ଏରସମା ପୁଲିସ ୩ ଜଣଙ୍କୁ କୋର୍ଟ ଚାଲାଣ କରିଛି। ଘଟଣାରୁ ଜଣାପଡିଛି ତଳକୁସୁମା ଗାଁର ସୁବୋଧ ସାହାଣୀଙ୍କ ଝିଅ ରିଙ୍କିନା ଗତ ୭ ବର୍ଷତଳେ କୋଠି ଗ୍ରାମର ମାଳସ ନାୟକଙ୍କୁ ବିବାହ କରିଥିଲେ। କୈାଣସି କାରଣରୁ ରିଙ୍କିନା ଓ ମାନସଙ୍କ ମଧ୍ୟରେ ମତାନ୍ତର ଯୋଗୁଁ ରିଙ୍କିନା କିଛି ଦିନଧରି ବାପଘରେ ରହିଆସୁଥିଲେ।
ଏଥିନେଇ ଉଭୟ ପରିବାର ମଧ୍ୟରେ କଳହ ଲାଖି ରହିଥିଲା। ତେବେ ଗତ ୪ ତାରିଖ ରାତିରେ ରିଙ୍କିନାଙ୍କ ଖୁଡୁତାସୁର ବିଚିତ୍ର ନାୟକ, ଖୁଡି ଶାଶୁ କୁନି ଲତା ନାୟକ ଓ ତାଙ୍କ ପୁଅ ପ୍ରକାଶ ନାୟକ ରିଙ୍କିନାଙ୍କ ବାପଘର ତଳକୁସୁମା ଗ୍ରାମକୁ ଯାଇ, ଘରେ ପସି ରିଙ୍କିନାଙ୍କୁ ଛୁରୀରେ ଆକ୍ରମଣ କରିଥିଲେ। ରିଙ୍କିନାଙ୍କ ମା' ଅଞ୍ଜନା ସାହାଣୀ ଏରସମା ଥାନାରେ ଅଭିଯୋଗ କରିଥିଲେ। ଅଭିଯୋଗକୁ ଭିତ୍ତିକରି ଘଟଣାର ତଦନ୍ତ ସହିତ ଉକ୍ତ ୩ ଜଣ ଅଭିଯୁକ୍ତଙ୍କୁ ଗିରଫ କରି ଆଜି କୋର୍ଟ ଚାଲାଣ କରାଯାଇଥିବାର ପୁଲିସ ସୂତ୍ରରୁ ଜଣାପଡ଼ିଛି।
ଅଧିକ ପଢ଼ନ୍ତୁ ଓଡିଶା ଖବର: