କଟକ : ନବୀନଙ୍କ ୨୪ ବର୍ଷର ଶାସନ । ଓଡିଶା ରୂପାନ୍ତରୀକରଣର ବଡ ବଡ ପ୍ରତିଶୃତି । ହେଲେ ଓଡିଶାର ସ୍ବାସ୍ଥ୍ୟବସ୍ଥାର ଚିତ୍ର ଦେଖିଲେ ଆପଣ ଓଡିଶାର ପ୍ରକୃତ ବିକାଶ କଥା ଜାଣିପାରିବେ । ଡାକ୍ତର ଖାନାରେ ଲାଇଟର ବ୍ୟବସ୍ଥା ନାହିଁ । ଟର୍ଚ୍ଚ ଲାଇଟରେ ଚିକିତ୍ସା ହେଉଛନ୍ତି ରୋଗୀ । ଆଉ ତାହା ବି କୌଣସି ଉପାନ୍ତ ଇଲାକା ନୁହେଁ ବରଂ କଟକ ଜିଲ୍ଲା ସାଲେପୁର ଗୋଷ୍ଠୀ ସ୍ବାସ୍ଥ୍ୟସେବା କେନ୍ଦ୍ରର । ସୂଚନା ମୁତାବକ ଗତକାଲି ରାତିରେ ସାମାନ୍ୟ ବର୍ଷା ହେବାରୁ ବିଦ୍ୟୁତ ସେବା ବ୍ୟାଘାତ ଘଟିଥିଲା । ହେଲେ ହସ୍ପଟାଲରେ କୌଣସି ବ୍ୟବସ୍ଥା ନଥିବାରୁ ଟର୍ଚ୍ଚରେ ଚାଲିଥିଲା ରୋଗୀସେବା ।
ଅଧିକ ପଢନ୍ତୁ : ରୋଗୀଙ୍କ ଜୀବନ ସହ ଖେଳ ଖେଳୁଛି ସ୍ୱାସ୍ଥ୍ୟ ବିଭାଗ
ଏହି ସ୍ବାସ୍ଥ୍ୟକେନ୍ଦ୍ର ଉପରେ ୩୫ ଗୋଟି ପଞ୍ଚାୟତର ଲୋକ ନିର୍ଭର କରୁଛନ୍ତି । ସାଲେପୁରର ଅପାରଗତା ବିଧାୟକଙ୍କ ପାଇଁ ସାଲେପୁରବାସୀ ଉନ୍ନତଧରଣର ସ୍ବାସ୍ଥ୍ୟସେବାରୁ ବଞ୍ଚିତ ହେଉଛନ୍ତି ବୋଲି ଟାଙ୍ଗି, ସାଲେପୁର , ବିକାଶ ମଞ୍ଚର ଅଧ୍ୟକ୍ଷ ତଥା ବିଜେଡିର ଯୁବସଂଙ୍ଗଠକ ବିଶେଶ୍ବର ସ୍ବାଇଁ ପ୍ରକାଶ କରିଛନ୍ତି ।