ଅର୍ଗସ ବ୍ୟୁରୋ: କଂଗ୍ରେସ ଭବନରେ ପଡିଛି ତାଲା । ପିସିସି ସଭାପତି ଶରତ ପଟ୍ଟନାୟକଙ୍କ ନିର୍ଦ୍ଦେଶରେ ଏହି ତାଲା ପଡିଛି ବୋଲି ଅଭିଯୋଗ କରିଛନ୍ତି ନିକଟରେ ଦଳରୁ ନିଲମ୍ବିତ ହୋଇଥିବା ମହିଳା ମୋର୍ଚ୍ଚାର ସାଧାରଣ ସମ୍ପାଦିକା ଶ୍ରୀୟା ସ୍ମିତା ପଣ୍ଡା । ତାଙ୍କ ଉପରେ ଯେଉଁ ଅନ୍ୟାୟ ହୋଇଛି ତାର ପୁନର୍ବିଚାର ପାଇଁ ତାଙ୍କୁ କଂଗ୍ରେସ ଭବନ ଆସିବାକୁ କୁହାଯାଇ ଥିଲା । ହେଲେ ସେ ଠିକ ସମୟରେ ପହଞ୍ଚିଥିଲେ ମଧ୍ୟ କଂଗ୍ରେସ ଭବନ ମୁଖ୍ୟ ଫାଟକରେ ତାଲା ପଡିଥିଲା । ନ୍ୟାୟ ପାଇଁ ଦାବି କରି ସେ କଂଗ୍ରେସ ଭବନ ସମ୍ମୁଖରେ ଧାରଣାରେ ବସିଥିଲେ । ଯେ ପର୍ଯ୍ୟନ୍ତ ତାଙ୍କ କଥା ବିଚାର ନହୋଇଛି ଧାରଣାରୁ ହଟିବେ ନାହିଁ ବୋଲି କହିଛନ୍ତି । ସେ ଅନେକ ଦାବି କରିଛନ୍ତି। ଯଥାଶିଘ୍ର ତାଙ୍କ ଦାବିକୁ ଶୁଣି କିଛି ଦୃଢ଼ କାର୍ଯ୍ୟାନୁଷ୍ଠାନ ନେବା ପାଇଁ ସେ ଧାରଣା ଦେଇଛନ୍ତି।
ଅଧିକ ପଢ଼ନ୍ତୁ ଓଡିଶା ଖବର: