ନୂଆଦିଲ୍ଲୀ:  ଦିଲ୍ଲୀର ଭାରତ ମଣ୍ଡପମ୍ ଠାରେ ଭାରତ ଟେକ୍ସ-2024କୁ ଉଦଘାଟନ କରିଛନ୍ତି ପ୍ରଧାନମନ୍ତ୍ରୀ ମୋଦି । ଏହା ଦେଶର ଏବେ ପର୍ଯ୍ୟନ୍ତ ହୋଇଥିବା ସବୁଠୁ ବଡ଼ ଟେକ୍ସଟାଇଲ୍ ଇଭେଣ୍ଟ । ଏହି କାର୍ଯ୍ୟକ୍ରମ ଆଜିଠୁ ଆରମ୍ଭ ହୋଇଥିବାବେଳେ 29 ତାରିଖ ଯାଏ ଚାଲିବ । ଏହି କାର୍ଯ୍ୟକ୍ରମରେ ଫାଇବର, କପଡା ଏବଂ ଫ୍ୟାଶନ୍ ଉପରେ ଫୋକସ୍ କରାଯାଇଛି । ଯେଉଁଥିରେ 100ରୁ ଅଧିକ ଦେଶ ଓ 3000 ହଜାରରୁ ଅଧିକ ପ୍ରଦର୍ଶକ ଅଂଶଗ୍ରହଣ କରିଛନ୍ତି ।

ଏହା ବ୍ୟତୀତ ତିନି ହଜାରରୁ ଅଧିକ କ୍ରେତା ଏବଂ 100ରୁ ଅଧିକ ଦେଶରୁ 40,000ରୁ ଅଧିକ ବାଣିଜ୍ୟ ପରିଦର୍ଶକ ଭାଗ ନେଇଛନ୍ତି ।  ଏହି କାର୍ଯ୍ୟକ୍ରମରେ 50ରୁ ଅଧିକ ଘୋଷଣା ଏବଂ ଏମଓୟୁ ସ୍ବାକ୍ଷରିତ ହେବ । ଯାହାକି ବୟନ କ୍ଷେତ୍ରରେ ପୁଞ୍ଜି ବିନିଯୋଗ ଏବଂ ବାଣିଜ୍ୟକୁ ଆହୁରି ବୃଦ୍ଧି କରିବ ଏବଂ ରପ୍ତାନି ବୃଦ୍ଧିରେ ସାହାଯ୍ୟ କରିବ । ଆତ୍ମନିର୍ଭରଶୀଳ ଭାରତ ଏବଂ ବିକଶିତ ଭାରତ ନେଇ ପ୍ରଧାନମନ୍ତ୍ରୀଙ୍କ ଦୃଷ୍ଟିକୁ ଆଗକୁ ନେବା ଦିଗରେ ଏହା ଆଉ ଏକ ଗୁରୁତ୍ବପୂର୍ଣ୍ଣ ପଦକ୍ଷେପ ହେବ । 

ଅଧିକ ପଢନ୍ତୁ ଭାରତ ଖବର