ଅର୍ଗସ ବ୍ୟୁରୋ: ଦେବଗଡ ଜିଲ୍ଲାପାଳଙ୍କ କାର୍ଯ୍ୟାଳୟରେ ଉତ୍ତେଜନା। ଏଏନଏମ ସେଣ୍ଟର ସ୍ଥାନାନ୍ତର ଦାବିରେ ସ୍ଥାନୀୟ ଲୋକଙ୍କ ମଧ୍ୟରେ ଉତ୍ତେଜନା ଦେଖାଦେଇଛି । ରିଆମାଳ ବ୍ଲକ ଲୁଲଙ୍ଗ ଗ୍ରାମପଞ୍ଚାୟତ ରେଙ୍ଗାଳପାଲି ଗାଁରେ ନିର୍ମାଣ ହେଉଥିବା ଏ.ଏନ୍.ଏମ୍. ସେଣ୍ଟର ପଞ୍ଚାୟତ ସଦର ମହକୁମାରେ ନିର୍ମାଣ ପାଇଁ ଦାବି ହୋଇଛି । ଲୁଲଙ୍ଗ ପଞ୍ଚାୟତର ୮ଟି ୱାର୍ଡର ଜନସାଧାରଣ ଜିଲ୍ଲାପାଳଙ୍କ କାର୍ଯ୍ୟାଳୟକୁ ଆସି ଅଭିଯୋଗ କରିଥିଲେ । ମାତ୍ର ନିର୍ମାଣ କାମ ଆରମ୍ଭ ହୋଇଥିବାରୁ ଏବେ ସ୍ଥାନାନ୍ତର କରିବା ଆଉ ସମ୍ଭବ ନୁହେଁ ବୋଲି କହିବାରୁ ଉତ୍ତେଜନା ଦେଖା ଦେଇଥିଲା। ଶହ ଶହ ମହିଳା ଓ ପୁରୁଷ ଜିଲ୍ଲାପାଳଙ୍କ କାର୍ଯ୍ୟାଳୟ ଭିତରକୁ ଧସେଇ ପଶିବା ସହ ଜିଲ୍ଲାପାଳଙ୍କ ଅଫିସ କ୍ୱାଟର ବାହାରେ ଧାରଣାରେ ବସିଥିଲେ ।
ଫଳରେ ପ୍ରାୟ ୩ ଘଣ୍ଟା ଧରି ପୋଲିସକୁ ନାକେଦମ ହେବାକୁ ପଡିଥିଲା । ବିଭିନ୍ନ ନାରାବାଜି ସହ ଉତ୍ତ୍ୟକ୍ତ ଲୋକ ନିଜ ଜିଦ୍ରେ ଅଟଳ ରହିଥିଲେ । ପରେ ଉପଜିଲ୍ଲାପାଳ ଏବଂ ଦେବଗଡ ଥାନା ଆଇଆଇସି ଘଟଣାସ୍ଥଳରେ ପହଞ୍ଚି ଲୋକଙ୍କୁ ବୁଝାଶୁଝା କରିବା ପରେ ଲୋକ ଧାରଣାରୁ ଉଠିଥିଲେ । ଏ.ଏନ୍.ଏମ୍. ସେଣ୍ଟର ନିର୍ମାଣ କାମ ଏବେ ବନ୍ଦ କରିବା ସହିତ ଆସନ୍ତା ୭ ମଧ୍ୟରେ ନିଷ୍ପତ୍ତି ନିଆ ନ ଗଲେ ପୁଣି ଥରେ ଆନ୍ଦୋଳନ କରାଯିବ ବୋଲି ସ୍ଥାନୀୟ ଲୋକ ଚେତାବନୀ ଦେଇଛନ୍ତି।
ଅଧିକ ପଢ଼ନ୍ତୁ ଓଡ଼ିଶା ଖବର