ଅର୍ଗସ ବ୍ୟୁରୋ : ହରଡ ଘଣାରେ ରାଜନଗରର ବିଜେଡି ବିଧାୟକ ଧ୍ରୁବ ସାହୁ । ଦୁର୍ନୀତିକୁ ନେଇ ବିଧାୟକଙ୍କୁ ପ୍ରଶ୍ନ ବାଣରେ ଘାଇଲା କଲେ ଜନତା । ଯାହାର ଭିଡ଼ିଓ ଏବେ ଭାଇରାଲ ହେବାର ଲାଗିଛି । ଯାହା ଏବେ ରାଜନଗର ରାଜନୀତି ପାଣିପାଗକୁ ଗରମ କରିଛି । ମାର୍ଚ୍ଚ ୨ ତାରିଖ ଦିନ ଯୋଜନା କରି ଫସିଲେ ନିଜେ ବିଧାୟକ । ଦୋକାନରେ ଅଭିନବ ଉପାୟରେ ଚା ଖଟିର କରିଥିଲେ ପ୍ରୋଗ୍ରାମ । ଦିନେ ନାହିଁ କାଳେ ନାହିଁ ଗହ୍ମା ପୁନେଇରେ ମାଇଁ ମାଇଁ । ଏହି ମର୍ମରେ ପାଞ୍ଚ ବର୍ଷ ମଧ୍ୟରେ ଠିକାଦାରଙ୍କୁ ଛାଡି ଦେଲେ କେବେ ସାଧାରଣ ଲୋକଙ୍କ ସେବାରେ ବିଧାୟକଙ୍କର ତତ୍ପରତା ଦେଖାଇ ନଥିଲେ । କିନ୍ତୁ ଗତ ୨ ତାରିଖରେ ଦେଖାଇଥିଲେ । ଯାହା ସାଧାରଣ ମହଲରେ ବେଶ ଚର୍ଚ୍ଚା ହେଉଛି । କିଛି ଲୋକ କହିଛନ୍ତି,ନିର୍ବାଚନ ପୂର୍ବରୁ ବିଧାୟକ ସାଧାରଣ ଲୋକଙ୍କୁ ପୁଣି ଥରେ ଭୁଆଁ ବୁଲାଉଛନ୍ତି ।

ହେଲେ କିଛିଦିନ ତଳେ ଅଂଶୁମାନ ମହାନ୍ତି ବିଜେଡିରେ ମିସିବା ପରେ ପରେ ଧ୍ରୁବଙ୍କ ଚିନ୍ତା ବଢି ଯାଇଛି । ଯାହାକି ଏବେ ଘନ ଘନ ବୈଠକ କରୁଛନ୍ତି । କିନ୍ତୁ ଏ ସବୁରେ ପାଣି ଫାଟି ଯାଉଛି । ପୂର୍ବ ପ୍ରସ୍ତୁତି ଯୋଜନା ହିସାହରେ ରାଜନଗର ବ୍ଲକ ଛକ ନିକଟସ୍ଥ ନଳୀ ଚା ଦୋକାନରେ ପ୍ରାୟ ୪୦/୫୦ଟା ଚେୟାର ପଡିଥିଲା । ଅପରାହ୍ନରେ କିଛି ଶୁଭେଛୁଙ୍କ ସହ ବିଧାୟକ ଶ୍ରୀଯୁକ୍ତ ସାହୁ ସମ୍ପୃକ୍ତ ଚା ଦୋକାନରେ ବସି ନିଜେ ଚା ପିଇବା ସହ କର୍ମୀଙ୍କୁ ଚା ଦେଇଥିଲେ । ଏବଂ ଯାଉଥିବା ବା ଲୋକଙ୍କୁ ଡାକି ଚା ଦେଇଥିଲେ । 

ଚା ପିଇବା ସାଙ୍ଗକୁ ପ୍ରବଚନ ମଧ୍ୟ ଦେଉଥିଲେ ବିଧାୟକ । ଏହି ସମୟରେ ସୁରକ୍ଷା ମଞ୍ଚର ପକ୍ଷରୁ ଶ୍ରୀ ମହାପାତ୍ର ରାଜନଗରରେ ବିକାଶ ନାଁରେ ପୁଳା ପୁଳା ଦୁର୍ନୀତି ହୋଇଛି ବୋଲି ଅଭିଯୋଗ କରିଛିଲେ । ଯାହାକି କାର୍ଯ୍ୟ ନକରି ଅର୍ଥ ହଡପ ହୋଇଥିବା ପ୍ରମାଣ ସହ ବିଧାୟକ ଶ୍ରୀ ସାହୁଙ୍କୁ ପ୍ରଶ୍ନ କରିଥିଲେ l କିନ୍ତୁ ବିଧାୟକଙ୍କ ଠାରୁ ସଠିକ୍ ଉତ୍ତର ମିଳିନଥିଲେ ମଧ୍ୟ ଲିଖିତ ଅଭିଯୋଗ ଦିଅବୋଲି କହି, ତରତର ହୋଇ ବିଧାୟକ ଚା ଖଟି ଛାଡି ଚାଲିଯାଇଥିଲେ । 

ଏ ଘଟଣା ପରେ ଲୋକମାନେ କହୁଛନ୍ତି, ଆଗକୁ ନିର୍ବାଚନ ଥ‌ିବାରୁ ବିଧାୟକଙ୍କର ଏପରି ଅଭିନବ ପ୍ରୟାସ । ଯାହା ସାଧାରଣ ଲୋକଙ୍କୁ ମଜାର ଖୋରାକ ଯୋଗାଇଛି । ଦିନକୁ ଦିନ ଲୋକ ସମର୍ଥନ ବିଧାୟକଙ୍କ ପ୍ରତି ହ୍ରାସ ପାଉଛି । ବିଭିନ୍ନ ଉପାୟରେ ଲୋକଙ୍କ ନିକଟତମ ହେବାକୁ ଚେଷ୍ଟା କରି ମଧ୍ୟ ବିଫଳ ହୋଉଛନ୍ତି ବିଧାୟକ । ଯାହା ଏବେ ସାଧାରଣ ମହଲରେ ଚର୍ଚ୍ଚା ଯୋର ଧରିଛି ।