ଭୁବନେଶ୍ୱର: ପ୍ରକାଶ ପାଇଲା ମାଟ୍ରିକ୍ ଓ ଯୁକ୍ତ ଦୁଇ ପରୀକ୍ଷା ଫଳ। ମାଟ୍ରିକରେ ପାସ୍ ହାର ୯୬ ପ୍ରତିଶତ...ଖୋର୍ଦ୍ଧାରେ ସର୍ବାଧିକ ଓ ନୂଆପଡ଼ାରେ ସବୁଠାରୁ କମ୍। ଏଥର ବି ଝିଅଙ୍କ ବାଜିମାତ୍। ପ୍ଲସ୍ ଟୁ ଆର୍ଟସରେ 81, ବିଜ୍ଞାନରେ 87 ଓ ବାଣିଜ୍ୟରେ ପାସ୍ କଲେ 82 ପ୍ରତିଶତ ଛାତ୍ରଛାତ୍ରୀ...ଧନ୍ଦାମୂଳକ ଶିକ୍ଷାରେ କୃତକାର୍ଯ୍ୟ ହେଲେ ୬୮ ଭାଗ ପରୀକ୍ଷାର୍ଥୀ...
କଟକ ସ୍ଥିତ ବୋର୍ଡ କାର୍ଯ୍ୟାଳୟରେ ଆଜି ପ୍ରକାଶ ପାଇଛି ମାଟ୍ରିକ୍ ରେଜଲ୍ଟ । 2644ଟି ସ୍କୁଲରେ ଶତ ପ୍ରତିଶତ ରେଜଲ୍ଟ ହୋଇଥିଲା ବେଳେ, ଖୋର୍ଦ୍ଧାରେ ସର୍ବାଧିକ ଓ ନୂଆପଡ଼ାରେ ସର୍ବନିମ୍ନ ରହିଛି ପାସ୍ ହାର । କୌଣସି ସ୍କୁଲରେ ଜିରୋ ରେଜଲ୍ଟ ହୋଇନାହିଁ । ଏଥର ବି ବାଜି ମାରିଛନ୍ତି ଝିଅ । ଝିଅଙ୍କ ପାସ୍ ହାର ୯୬.୭୩% ରହିଥିବା ବେଳେ, ପୁଅଙ୍କ ପାସ୍ ହାର ୯୬.୩୯% । ମୋଟ ୫ ଲକ୍ଷ ୪୧ ହଜାର ୬୧ ଜଣ ପରୀକ୍ଷା ଦେଇଥିଲେ । ସେଥି ମଧ୍ୟରୁ ୫ ଲକ୍ଷ ୩୦ ହଜାର ୧୫୩ ଜଣ ଛାତ୍ରଛାତ୍ରୀ ପାସ୍ କରିଛନ୍ତି ।
ସେହିପରି ଆଜି ବି ବାହାରିଛି ଦ୍ବାଦଶ ରେଜଲ୍ଟ । ଏକ ସଙ୍ଗେ ବାହାରିଛି କଳା, ବିଜ୍ଞାନ ଓ ବାଣିଜ୍ୟ ଫଳ । ଉଚ୍ଚ ମାଧ୍ୟମିକ ଶିକ୍ଷା ପରିଷଦ ପକ୍ଷରୁ ପରୀକ୍ଷା ଫଳ ପ୍ରକାଶ ପାଇଛି । ଏଥର କଳାରେ ପାସ୍ ହାର ୮୦.୯୫, ବିଜ୍ଞାନରେ ପାସ୍ ହାର ୮୬.୯୩ ଓ ବାଣିଜ୍ୟରେ ପାସ୍ ହାର ୮୨.୨୭ ପ୍ରତିଶତ ରହିଛି । ଧନ୍ଦାମୂଳକ ଶିକ୍ଷାରେ ପାସ୍ ହାର ୬୮.୦୨% ରହିଛି । ଏ ବର୍ଷ ମଧ୍ୟ ଛାତ୍ରଙ୍କଠାରୁ ଛାତ୍ରୀ ଆଗରେ ରହିଛନ୍ତି । ମାଟ୍ରିକରେ କୃତକାର୍ଯ୍ୟ ହୋଇନଥିବା ଛାତ୍ରଛାତ୍ରୀ ମାନେ ସପ୍ଲିମେଣ୍ଟାରି ପରୀକ୍ଷା ଦେବା ପାଇଁ ଆସନ୍ତା ଜୁନ 10 ତାରିଖରୁ ଫର୍ମ ଫିଲ୍ପ କରି ପାରିବେ ।
ଅଧିକ ପଢନ୍ତୁ ଓଡ଼ିଶା ଖବର