ଅର୍ଗସ ବ୍ୟୁରୋ : ଆଜି ରାଜସ୍ଥାନ ଓ ହରିୟାଣାକୁ ମିଳିବ ପ୍ରଧାନମନ୍ତ୍ରୀଙ୍କ ବଡ଼ ଉପହାର । ରାଜସ୍ଥାନରେ 17 ହଜାର କୋଟି ମୂଲ୍ୟର ବିଭିନ୍ନ ପ୍ରକଳ୍ପର ଶିଳାନ୍ୟାସ ଓ ଉଦଘାଟନ କରିବେ ପ୍ରଧାନମନ୍ତ୍ରୀ । ସେହିପରି ହରିୟାଣାରେ ମଧ୍ୟ 9 ହଜାର 750 କୋଟି ମୂଲ୍ୟର ବିଭିନ୍ନ ପ୍ରକଳ୍ପର ଶିଳାନ୍ୟାସ ଓ ଉଦଘାଟନ କରିବେ ପ୍ରଧାନମନ୍ତ୍ରୀ ମୋଦି । ହରିୟାଣା ଗସ୍ତ ପୂର୍ବରୁ ଦିନ 11ଟାରେ ଜୟପୁରରେ ଆୟୋଜିତ ବିକଶିତ ଭାରତ-ବିକଶିତ ରାଜସ୍ଥାନ କାର୍ଯ୍ୟକ୍ରମକୁ ଭର୍ଚୁଆଲରେ ସମ୍ବୋଧନ କରିବେ ପିଏମ ମୋଦି ।
ଅଧିକ ପଢନ୍ତୁ ଭାରତ ଖବର
ଶିଳାନ୍ୟାସ ହେବାକୁ ଥିବା ପ୍ରକଳ୍ପ ମଧ୍ୟରେ ପାନୀୟ ଜଳ, ସୌର, ରେଳ ପ୍ରକଳ୍ପ ସହ ପେଟ୍ରୋଲିୟମ ଓ ନ୍ୟାଚୁରାଲ ଗ୍ୟାସ ପ୍ରକଳ୍ପ ମଧ୍ୟ ରହିଛି । ମଧ୍ୟାନ୍ନରେ ହରିୟାଣାରେ ପହଞ୍ଚିବା ପରେ ଗୁରୁଗ୍ରାମ ମେଟ୍ରୋ ରେଲ ପ୍ରୋଜେକ୍ଟ, ରେୱାରୀ ଏମ୍ସର ଶିଳାନ୍ୟାସ ସହ କୁରକ୍ଷେତ୍ରରେ ଅନୁଭବ କେନ୍ଦ୍ରର ଉଦଘାଟନ କରିବେ ପିଏମ ମୋଦି ।