ପୁରୀ: ହଟିଲା ଶ୍ରୀଗୁଣ୍ଡିଚା ମନ୍ଦିର ସମ୍ମୁଖ ପାର୍ଶ୍ଵ ଅବରୋଧ । ଶ୍ରୀମନ୍ଦିର ପ୍ରଶାସନ ତରଫରୁ ଆଜି ଏହି ଅବରୋଧ ସ୍ଥାନ,ପିଣ୍ଡି ଗୁଡିକ ଉଚ୍ଛେଦ କରାଯାଇଛି । ଶ୍ରୀଗୁଣ୍ଡିଚା ମନ୍ଦିର ପ୍ରାଚୀର ପାର୍ଶ୍ଵରେ ଏହି ଅବରୋଧ ସ୍ଥାନ ଗୁଡିକ ରହିଥିଲା । ଯାହାଫଳରେ ବିଭିନ୍ନ ଅବରୋଧକାରୀଙ୍କ ଦୌରାତ୍ମ ବଢ଼ିବାରେ ଲାଗିଥିଲା ।
ଶ୍ରୀମନ୍ଦିରରେ ଠେଲାପେଲା, ୧୦ରୁ ଉର୍ଦ୍ଧ୍ବ ଆହତ
ଏଠାରେ ବିଭିନ୍ନ ଛୋଟ ଛୋଟ ମନ୍ଦିର ଓ ପିଣ୍ଡି କରି ଆଡ୍ଡା ଜମାଇଥିଲେ ବିଭିନ୍ନ ବ୍ୟକ୍ତି ବିଶେଷ । ଏହା ମୁଖ୍ୟ ମନ୍ଦିର ଓ ଏହାର କୀର୍ତ୍ତିରାଜିକୁ ଘୋଡାଇ ରଖୁଥିଲା । ଏବେ ଉଚ୍ଛେଦ ପରେ ଶ୍ରୀମନ୍ଦିର ପ୍ରଶାସନ ତରଫରୁ ଏହି ସ୍ଥାନକୁ ବ୍ୟାରିକେଡ ମାଧ୍ୟମରେ ସୁରକ୍ଷିତ କରାଯିବା ସହ ୨୪ ଘଣ୍ଟିଆ ସୁରକ୍ଷା କର୍ମୀଙ୍କୁ ନିୟୋଜିତ କରାଯିବ । ଏହି ସ୍ଥାନରେ ସୌନ୍ଦର୍ଯ୍ୟକରଣ କରାଯିବା ସହ ପ୍ଲାଣ୍ଟେସନ ମଧ୍ୟ କରାଯିବ ।