ଅର୍ଗସ ବ୍ୟୁରୋ: ପୁଣି ପଦାରେ ପଡିଲା ରାଜ୍ୟ ସରକାରଙ୍କ ଆମ ଓଡ଼ିଶା ନବୀନ ଓଡ଼ିଶା ନାଁରେ ମିଛ ପ୍ରଚାର । କେନ୍ଦୁଝର ଜିଲ୍ଲା ଚମ୍ପୁଆ ବ୍ଲକ ଭଣ୍ଡା ପଂଚାୟତରେ ଧରାପଡିଛି ବିଜୁସ୍ୱାସ୍ଥ୍ୟ କଲ୍ୟାଣ ଯୋଜନାର ମିଥ୍ୟା ପ୍ରଚାର । ପଞ୍ଚାୟତର ଚିତ୍ରମଣି ମହାରଣା ନାମକ ମହିଳା ସଂପୂର୍ଣ୍ଣ ସୁସ୍ଥ ଥିବାବେଳେ, BSKY କାର୍ଡରେ ହାର୍ଟ ପ୍ରତିରୋପଣରେ ୫ଲକ୍ଷ ଟଙ୍କାର ଦେୟମୁକ୍ତ ଚିକିତ୍ସା ସୁବିଧା ପାଇଥିବା ଦର୍ଶାଯାଇଛି ।
ସବୁଠୁ ବଡ଼ କଥା ହେଲା, ବିଜ୍ଞାପନରେ ଚିତ୍ରମଣି ମହାରଣାଙ୍କ ଫଟୋ ଲାଗିଥିଲାବେଳେ ତାଙ୍କ ନାଁ ଯାଇମଣି ମହାରଣା ଛପାଯାଇଛି । ତେବେ ଏଭଳି ମିଛ ପ୍ରଚାରକୁ ନେଇ ଚିତ୍ରମଣିଙ୍କ ପରିବାର ଉଦବେଗ ପ୍ରକାଶ କରିବା ସହ ମାନାହାନି ମାମଲା କରିବେ ବୋଲି କହିଛନ୍ତି । ସେପଟେ ଶୀଘ୍ର ସଂଶୋଧନ ହେବା ନେଇ ସଫେଇ ଦେଇଛନ୍ତି ଚମ୍ପୁଆ ବିଡିଓ ରାଜା ରଞ୍ଜିତ ପ୍ରତାପ ବଳ ।
ଅଧିକ ପଢ଼ନ୍ତୁ ଓଡିଶା ଖବର: