ଅର୍ଗସ ବ୍ୟୁରୋ: ପାଣ୍ଡିଆନ ନେତା ନା ଅଫିସର ? ନିୟମ ଅନୁସାରେ ସେ ଚାକିରି ଛାଡିବା ପରେ ଏବେ ନେତା । ହେଲେ ତଥ୍ୟ କହୁଛି, ସିଏ ରାଜ୍ୟର ଏବେ ବି ନମ୍ବର ୱାନ ଅଫିସର । ଏ କଥା ଆମେ ନୁହେଁ ବରଂ ସିଏମଓ ଅଫିସର ତଥ୍ୟ ହିଁ କହିଛି । ଖାଲି ଏତିକି ନୁହେଁ ବରଂ ପାର୍ଟି ଟିକଟ ବଂଟାରେ ପାଣ୍ଡିଆନଙ୍କର ହସ୍ତକ୍ଷେପ ରହୁଛି । ବିଜେଡିର ରାଜନୈତିକ କାର୍ଯ୍ୟକ୍ରମରେ ବି ସିଧାସଳଖ ପାଣ୍ଡିଆନ ହସ୍ତକ୍ଷେପ କରୁଛନ୍ତି । ବାସ୍ତବରେ କହିବାକୁ ଗଲେ ସେ ସବୁକିଛି ନିୟନ୍ତ୍ରଣ କରୁଛନ୍ତି । କିନ୍ତୁ ଏହାପରେ ବି ଅଫିସର ଲିଷ୍ଟରେ ତାଙ୍କ ନାଁ କେମିତି ରହିଲା ତାହାକୁ ନେଇ ଉଠିଲାଣି ପ୍ରଶ୍ନ ।
ମିଳିଥିବା ସୂଚନା ଅନୁସାରେ, ଗତବର୍ଷ ପ୍ରଶାସନିକ ଚାକିରିରୁ ସ୍ୱେଚ୍ଛାକୃତ ଅବସର ନେଇଥିଲେ ପାଣ୍ଡିଆନ । ହେଲେ ଏହାପରେ ବି ଅଫିସର ଲିଷ୍ଟରେ ତାଙ୍କ ନାଁ କେମିତି ରହିଛି ତାହାକୁ ନେଇ ଏବେ ଉଠିଲାଣି ପ୍ରଶ୍ନ । ଖାଲି ଏତିକି ନୁହେଁ ବରଂ ପାଣ୍ଡିଆନଙ୍କୁ ତୁରନ୍ତ 5T ଅଧ୍ୟକ୍ଷ ପଦରୁ ବହିଷ୍କାର କରିବା ପାଇଁ ଦାବି କରିଛି ବିଜେପି ।
ନିର୍ବାଚନୀ ସମୟ
ବିବାଦରେ ପାଣ୍ଡିଆନ
ନିର୍ବାଚନ ସମୟରେ ପୁଣି ପାଣ୍ଡିଆନଙ୍କୁ ନେଇ ବଢିଲା ବିବାଦ । କାରଣ ପାଣ୍ଡିଆନ ସବୁ ଦଳୀୟ କାର୍ଯ୍ୟକ୍ରମରେ ଯୋଗ ଦେଉଛନ୍ତି । ପ୍ରାର୍ଥୀଙ୍କୁ ଟିକେଟ ଦେଉଛନ୍ତି ଏବଂ ଦଳ ପରିଚାଳନା କରୁଛନ୍ତି । ନିର୍ବାଚନ ଆଚରଣ ବିଧି ଲାଗୁ ହୋଇଥିବାବେଳେ ଅଫିସର ଲିଷ୍ଟରେ ବିଜେଡ଼ି ନେତା ପାଣ୍ଡିଆନ ରହିପାରିବେ କି ? ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟର ଅଫିସର ଟିକେଟ ବାଣ୍ଟିବା କିମ୍ବା ଦଳୀୟ ସଭାରେ ଭାଷଣ ଦେବା କେବେ ଦେଖା ଯାଏ ନାହିଁ । ପାଣ୍ଡିଆନ ଅଫିସର ନାଁ ନେତା ରାଜ୍ୟ ସରକାର ସ୍ପଷ୍ଟ କରନ୍ତୁ । ମୁଖ୍ୟ ଶାସନ ସଚିବଙ୍କ ଠାରୁ ଉତ୍ତର ମାଗିଛି ଦଳ ।
ଆରଟିଆଇ କର୍ମୀମାନେ ପାଣ୍ଡିଆନଙ୍କ ସୁରକ୍ଷା ନେଇ ଗଣମାଧ୍ୟମ ଆଗରେ ତଥ୍ୟ ରଖିଥିଲେ । ଏହା ଉପରେ ପାଣ୍ଡିଆନ ଏବେ ଯାଏଁ ପ୍ରତିକ୍ରିୟା ଦେଇନାହାନ୍ତି । ପ୍ରେସମିଟ୍ କରିବା ପାଇଁ ଓଡ଼ିଶା ପୋଲିସକୁ କିଏ ଚାପ ପକାଇଲା ? ଓଡ଼ିଶା ପୋଲିସ ବିଜେଡ଼ି ନିର୍ବାଚନ ଜିତିବା ପାଇଁ ଦାୟିତ୍ଵ ନେଇ କାମ କରୁଛି ।
ଆହୁରି ପଢନ୍ତୁ ରାଜନୀତି ଖବର...