ଅର୍ଗସ ବ୍ୟୁରୋ: ପଶ୍ଚିମବଙ୍ଗର ଅଲିପୁରଦ୍ୱାର ଜିଲ୍ଲାର ରାଜାଭଟ ଖାୱାଠାରେ ଏକ ମାଲବାହୀ ଟ୍ରେନ୍ ଧକ୍କାରେ ୩ଟି ହାତୀଙ୍କ ମୃତ୍ୟୁ ଘଟିଛି। ରାଜ୍ୟ ବନ ବିଭାଗ ସୂତ୍ରରୁ ମିଳିଥିବା ସୂଚନା ଅନୁଯାୟୀ, ସୋମବାର ସକାଳେ ରାଜାଭଟ ଖୱାଠାରେ ୩ଟି ହାତୀ ରେଳ କରିଡର ଅତିକ୍ରମ କରୁଥିବା ବେଳେ ସିଲିଗୁଡ଼ି ଅଭିମୁଖେ ଯାଉଥିବା ଟ୍ରେନ୍ ସହ ଧକ୍କା ହୋଇଥିଲା। ଖବର ପାଇ ରେଳବାଇ ଓ ବନ ବିଭାଗର ଅଧିକାରୀମାନେ ଘଟଣାସ୍ଥଳରେ ପହଞ୍ଚିଥିଲେ। ଦୁର୍ଘଟଣା ପରେ ଦୀର୍ଘ ସମୟ ଧରି ଟ୍ରେନ୍ ଚଳାଚଳ ବାଧାପ୍ରାପ୍ତ ହୋଇଥିଲା।
ମାଲବାହୀ ଟ୍ରେନର ଇଞ୍ଜିନକୁ ଯାଞ୍ଚ ପାଇଁ ଜବତ କରାଯାଇଛି। ଦୁର୍ଘଟଣା ସମୟରେ ମଦ୍ୟପାନ କରିଥିଲେ କି ନାହିଁ ତାହା ଜାଣିବା ପାଇଁ ଲୋକୋ ପାଇଲଟମାନଙ୍କର ଡାକ୍ତରୀ ପରୀକ୍ଷା କରାଯିବ। ଚଳିତ ବର୍ଷ ପ୍ରାରମ୍ଭରେ ରେଳବାଇ ପକ୍ଷରୁ ହାତୀ କରିଡର ଦେଇ ଯାଉଥିବା ରେଳ ଧାରଣାରେ ଅନୁପ୍ରବେଶ ଚିହ୍ନଟ ପ୍ରଣାଳୀ (ଆଇଡିଏସ) ଲଗାଇବା ପାଇଁ ଘୋଷଣା କରାଯାଇଥିଲା, ଯାହା ଦ୍ୱାରା ରେଳ ଧାରଣା ନିକଟରେ ହାତୀ ଉପସ୍ଥିତ ଥିଲେ ଲୋକୋ ପାଇଲଟମାନଙ୍କୁ ସତର୍କ ସୂଚନା ମିଳିପାରିବ। ତେବେ ଘଟଣାସ୍ଥଳରେ ଆଇଡିଏସ ଲଗାଯାଇଥିଲା କି ନାହିଁ ତାହା ସ୍ପଷ୍ଟ ହୋଇନାହିଁ।
ଅଧିକ ପଢ଼ନ୍ତୁ ଭାରତ ଖବର